Published : 17/06/2021 21:37 IST

వెబ్‌సిరీస్‌ చూసి.. ప్రాణాల మీదకు తెచ్చుకొని

 సినిమా సన్నివేశాన్ని తలిపించేలా అమెరికాలో ఓ ఘటన

ఇంటర్నెట్‌ డెస్క్‌: మీ ఇంట్లో వాళ్లు తాళం వేసి బయటికి వెళ్లారు.. ఆ సమయంలో మీరొక్కరే ఇంట్లో ఉన్నారు.. వాళ్లుతిరిగి ఇంటికి వచ్చి తాళం తిద్దామంటే తాళంచెవి కనిపించలేదు. ఇంట్లో మీరు.. బయట వాళ్లు.. ఒక్కసారి ఆ పరిస్థితిని ఊహించుకోండి. ఇక తలుపు తీయడానికి పండే తంటాలు అన్నిఇన్ని కావు కదూ.. ఇప్పుడా తలుపు తెరవాలంటే ప్రధానంగా మన మెదడులోకి వచ్చే రెండు ఆలోచనలు..ఒకటి  స్పేర్‌ కీ.. లేదా కొత్తతాళం చెవి తయారు చేయించి తలుపు తీయాలా అనే కదూ.. ఇదంతా ఇప్పుడు ఎందుకంటారా...  సరిగ్గా ఇదే ఘటన అమెరికాలోని నెవడా ప్రాంతంలో చోటుచేసుకుంది. ఓ అమ్మాయి(18) తన ఇంట్లో ఇదే తరహాలో ఇరుక్కుపోయింది. మరి ఎలా బయటపడాలి అని అనుకుంటుండగా.. రోజు తాను చూసే ఓ టీవీ సిరీస్‌లో సన్నివేశాన్ని గుర్తుచేసుకుంది. అంతే వెంటనే చిమ్ని(కిటికి) నుంచి బయటికి వచ్చేద్దామని అందులోకి దూరింది. కానీ బయటకు వచ్చేందుకు విశ్వప్రయత్నాలు చేసినా ఫలితం లేకపోయింది. ఇక వెంటనే ఆమెను కాపాడాలంటూబయట ఉన్న వారు  ఫైర్‌ డిపార్ట్‌మెంట్‌కు ఫోన్‌ చేశారు. ఈ విషయాన్నంతా ఆ ఫైర్‌ డిపార్ట్‌మెంట్‌ వారి ఫేస్‌బుక్‌ ఖాతాలో ఇలా రాసుకొచ్చింది.‘‘ ఇంటికి తాళం వేసి ఉండటంతో ఈ రోజు ఉదయం ఓ టీనేజర్‌ కిటికిలోకి దూకి బయటకువద్దామనుకొని అందులో ఇరుక్కుపోయింది. అయితే ఆమెని రక్షించేందుకు ప్రత్యేక రోప్‌ సిస్టం ఉపయోగించాం. అరగంట పాటు కృషి చేసి అమ్మాయిని బయటికి తీసుకొచ్చాం. ఈ ప్రమాదకర పరిస్థితుల్లో  అదృష్టవశాత్తూ ఆమెకేమీ గాయాలవ్వలేదు’’. కాగా ఆమె కిటికిలో ఇరుక్కుపోవడం.. వెంటనే రెస్కూటీం కాపాడం.. అంతా ఓ చిత్రంలోని సన్నివేశాన్ని తలపించింది. కామెంట్‌ సెక్షన్లలో నెటజన్లు విభిన్నంగా స్పందించారు. ‘‘ఇలాంటి పరిస్థితి తెచ్చుకోవడం కన్నా తాళం వేసిన ఇంట్లో ఉండటం నయమని, ఇంకెప్పుడు ఇలాంటి సాహసాలు చెయ్యొద్దు ’’ అని హితవు పలికారు. టీనేజర్‌ని కాపాడినందుకు గానూ వారి శ్రమ ప్రశంసనీయం.. ‘‘మీ వల్ల ఓ అమ్మాయి సురక్షితంగా బయటపడింది.. ఇప్పుడు హాయిగా నిద్రపోతాం’’ అని కామెంట్లు పెట్టారు.

Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని