Published : 20/02/2021 00:55 IST

జనాలతో ఉండలేకపోతున్నా.. జైల్లో పెట్టండి

లండన్‌: కరోనా కారణంగా ప్రపంచమంతా లాక్‌డౌన్‌ విధించారు. ఆ సమయంలో అందరూ నాలుగు గోడల మధ్యే బంధీలయ్యారు. ఆ సమయాన్ని కొందరు సద్వినియోగం చేసుకొంటే, మరికొందరు ఖాళీగా ఉంటూ గడిపేశారు. ఎప్పుడూ ఉరుకులు పరుగులతో జీవించే చాలా మంది ఇళ్లలో ఉండలేకపోయారు. అలాంటి ఓ వ్యక్తికి సంబంధించిన ఘటనే ఇది. కానీ ఇతడు అందరిలా కాదు. పరారీలో ఉన్న ఆ వ్యక్తి ఇంట్లో ఉండలేక నేరుగా పోలీసుస్టేషన్‌కు వెళ్లి లొంగిపోయాడు. ఈ ఘటన యూకేలో జరిగింది. పోలీసులు తెలిపిన వివరాల ప్రకారం.. పరారీలో ఉన్న ఓ వ్యక్తి లాక్‌డౌన్‌ సమయంలో నాలుగు గోడల మధ్య ఎక్కువ సమయం ఉండటంతో పాటు, తాను ప్రస్తుతం జీవిస్తున్న మనుషులతో ఉండటం కంటే జైల్లోనే ప్రశాంతంగా ఉంటుందని భావించి యూకేలోని ససెక్స్‌ పోలీసులకు లొంగిపోయాడు. తనను జైల్లోనే ఉంచాలని కోరుతూ ఆ వ్యక్తి బుధవారం బర్గస్‌హిల్‌ పోలీసుస్టేషన్‌లో లొంగిపోయినట్లు పోలీసులు వెల్లడించారు.

ఈ విషయాన్ని డారెన్‌ టేలర్‌ అనే పోలీసు అధికారి ట్విట్టర్‌లో పోస్టు చేయడంతో వెలుగులోకి వచ్చింది. అతడు లొంగిపోయిన అనంతరం జైలుకు తరలించినట్లు ఆయన తెలిపారు. ఈ సమయంలో అతడు ఒంటరిగా తనతో తాను గడపటం ఎంతో ముఖ్యమని డారెన్‌ పేర్కొన్నారు.


Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని