Updated : 25/10/2021 20:38 IST

Ts News: రేవంత్‌రెడ్డి వ్యాఖ్యలు పరువు నష్టం కలిగించేవిగా ఉన్నాయి: డీజీపీ కార్యాలయం

హైదరాబాద్‌: తెలంగాణ రాష్ట్ర పోలీసు శాఖపై టీపీసీసీ అధ్యక్షుడు రేవంత్‌రెడ్డి చేసిన వ్యాఖ్యలపై తెలంగాణ డీజీపీ కార్యాలయం స్పందించింది. ఫోన్‌ ట్యాపింగ్‌ అంశంపై రేవంత్ చేసిన వ్యాఖ్యలను తీవ్రంగా తప్పుబట్టింది. అవన్నీ నిరాధార ఆరోపణలని పేర్కొంటూ డీజీపీ కార్యాలయం ఓ ప్రకటన విడుదల చేసింది. ‘‘డీజీపీ, మంత్రుల ఫోన్లు ట్యాప్‌ చేస్తున్నారని, ఉన్నతాధికారుల మధ్య విభేదాలు ఉన్నాయనేది అవాస్తవం. అన్ని విభాగాల మధ్య మంచి సమన్వయం ఉంది. ప్రతిభ, సామర్థ్యం ఆధారంగానే పోలీసు శాఖలో పోస్టింగులు ఇచ్చాం. నిరాధార ఆరోపణల వల్ల పోలీసుల ఆత్మస్థైర్యం, మనోధైర్యం దెబ్బతింటుంది. మావోయిస్టులు ఉంటే బాగుండేదని రేవంత్‌ అనటం సరైంది కాదు. ప్రజాప్రతినిధులను కూడా మావోయిస్టులు బలితీసుకున్నారు. మావోయిస్టుల ఏరివేతలో 350 మంది పోలీసులు ప్రాణాలు కోల్పోయారు. రేవంత్‌రెడ్డి వ్యాఖ్యలు పరువు నష్టం కలిగించేవిగా ఉన్నాయి. రేవంత్‌రెడ్డి చేసిన వ్యాఖ్యలు సమాజంలో శాంతిభద్రతలపై తీవ్ర ప్రభావం చూపించే ప్రమాదముంది. ఇండియన్ టెలిగ్రాఫ్‌ యాక్ట్ ప్రకారమే పోలీసు శాఖ నడుచుకుంటోంది. శాంతిభద్రతల పరిరక్షణ కోసం రాజ్యాంగబద్ధంగా అధికారులు విధులు నిర్వహిస్తున్నారు’’ అని డీజీపీ కార్యాలయం తెలిపింది.

Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని