TS News: తెలంగాణలో 13మంది శాంపిల్స్‌ జీనోమ్‌ సీక్వెన్సింగ్‌కు..!

హైదరాబాద్‌: తెలంగాణలో కరోనా కేసులు క్రమంగా పెరుగుతున్నాయి. గడిచిన 24గంటల వ్యవధిలో 39,140 శాంపిల్స్‌ పరీక్షించగా.. రాష్ట్ర వ్యాప్తంగా 198మందికి కరోనా పాజిటివ్‌గా నిర్ధారణ అయింది. అయితే, ఒమిక్రాన్‌ భయాందోళనల నేపథ్యంలో ‘ఎట్‌ రిస్క్’ దేశాల నుంచి ఇప్పటి వరకు 909మంది మంది తెలంగాణకు వచ్చినట్టు ఆరోగ్యశాఖ వెల్లడించింది. ఈ ఒక్కరోజే 219 మంది హైదరాబాద్‌లోని రాజీవ్‌గాంధీ అంతర్జాతీయ విమానాశ్రయానికి రాగా.. వారిలో 9మందికి కరోనా పాజిటివ్‌గా తేలిందని అధికారులు ప్రకటించారు. ఇప్పటివరకు విదేశాల నుంచి వచ్చినవారిలో మొత్తం 13మందిలో కొవిడ్‌-19 ఉన్నట్టు తేలగా.. వారిందరి శాంపిల్స్‌ని జినోమ్‌ సీక్వెన్సింగ్‌కు పంపినట్టు వైద్యారోగ్యశాఖ తెలిపింది.

మరోవైపు, రాష్ట్రంలో కరోనా బారిన పడినవారిలో తాజాగా మరో 153 మంది కోలుకోగా.. ఇద్దరు మృతిచెందారు. తాజా గణాంకాల ప్రకారం రాష్ట్రవ్యాప్తంగా ఇప్పటివరకు 2.86 కోట్లకు పైగా శాంపిల్స్‌ని పరీక్షించగా.. 6,76,574మందికి పాజిటివ్‌గా తేలింది. వీరిలో 6,68,854 మంది కోలుకోగా.. 3,997 మంది కొవిడ్‌ కాటుకు బలయ్యారు. ప్రస్తుతం రాష్ట్రంలో 3723 క్రియాశీల కేసులు ఉన్నాయి.