AP News: ఒంగోలులో ‘నరకాసుర వధ’.. భారీగా హాజరైన ప్రజలు

ఒంగోలు: దేశవ్యాప్తంగా దీపావళి వేడుకలు ఘనంగా జరుగుతున్నాయి. ఈ వేడుకల్లో వయో బేధం లేకుండా అందరూ ఆనందంగా పాల్గొంటున్నారు. దీపావళికి ముందు రోజు నరక చతుర్దశి సందర్భంగా పలుచోట్ల ‘నరకాసుర వధ’ కార్యక్రమాన్ని చేపట్టారు. ప్రకాశం జిల్లా ఒంగోలులో ఈ వేడుక ఘనంగా నిర్వహించారు. నగరంలోని పొట్టి శ్రీరాములు విగ్రహం సమీపంలో ఉన్న చెన్నకేశవ ఆలయం వద్ద బుధవారం రాత్రి నుంచి వేడుకలు జరిగాయి. గురువారం తెల్లవారుజామున చేపట్టిన నరకాసుర వధ కార్యక్రమంలో పెద్ద ఎత్తున ప్రజలు పాల్గొన్నారు. ఈ సందర్భంగా నిర్వహించిన సాంస్కృతిక కార్యక్రమాలు అందర్నీ అలరించాయి.