AP News: పోలవరంలో సీఎం జగన్‌ పర్యటన

పోలవరం: ఏపీ సీఎం జగన్‌ పోలవరం పర్యటనకు వెళ్లారు. ప్రాజెక్టు పురోగతిని తెలుసుకునేందుకు పోలవరం పరిసరాల్లో విహంగ వీక్షణం ద్వారా పనులను ఆయన పరిశీలించారు. అనంతరం క్షేత్రస్థాయిలో పనులు జరుగుతున్న తీరును అధికారులు సీఎంకు వివరించారు. స్పిల్‌ వే, అప్రోచ్‌ ఛానల్‌ పనులపై ఆయన అడిగి తెలుసుకున్నారు. స్పిల్‌ వే పనుల ఛాయా చిత్రాలను జగన్‌ పరిశీలించారు. పనుల తీరును ఈఎన్‌సీ నారాయణరెడ్డి సీఎంకు వివరించారు. అనంతరం పనుల పురోగతిపై అధికారులతో జగన్‌ సమీక్షించారు. అంతకుముందు పోలవరం వ్యూ పాయింట్‌ వద్ద నుంచి గోదావరి నదీ ప్రవాహ మార్గాన్ని సీఎం జగన్‌ పరిశీలించి వరద పరిస్థితిని అడిగి తెలుసుకున్నారు.