పట్టాలెక్కనున్న 82 ప్రత్యేక రైళ్లు: ద.మ.రైల్వే

హైదరాబాద్‌: కరోనా పరిస్థితులు కాస్త అదుపులోకి రావడంతో నిలిచిపోయిన ప్రత్యేక రైళ్లను దక్షిణ మధ్య రైల్వే అందుబాటులోకి తీసుకురానుంది. 82 ప్రత్యేక రైళ్లను పునరుద్ధరిస్తున్నట్లు ద.మ.రైల్వే జీఎం గజానన్‌ మాల్యా ప్రకటించారు. 16 ఎక్స్‌ప్రెస్‌, 66 ప్యాసింజర్‌ రైళ్లను పునరుద్ధరించనున్నట్లు తెలిపారు. ఈ నెల 19 నుంచి కొత్త నంబర్లతో ఈ రైళ్లు పట్టాలెక్కనున్నాయన్నారు. ప్యాసింజర్‌ రైళ్లలో ప్రయాణానికి స్టేషన్‌లోనే టికెట్లు ఇస్తారని పేర్కొన్నారు. స్టేషన్లు, రైళ్లలో కొవిడ్‌ ప్రొటోకాల్‌ కఠినంగా అమలు చేయాలన్నారు. రైళ్లలో మాస్కులు ధరించడం, భౌతిక దూరం పాటించడం లాంటి కొవిడ్‌ నిబంధనలు తప్పనిసరిగా పాటించాలని స్పష్టం చేశారు.