Updated : 08/01/2021 04:32 IST

కొవిడ్‌: వాసన కోల్పోవడం వారిలోనే ఎక్కువ!

ఇంటర్నెట్‌డెస్క్‌: శ్వాస తీసుకోవడంలో ఇబ్బంది, జలుబు, జ్వరం, గొంతు నొప్పి.. ఇవన్నీ కొవిడ్‌-19కు సంబంధించిన లక్షణాలే. కొందరిలో మాత్రమే వాసన, రుచి కోల్పోవడం వంటివి జరుగుతుంటాయి. వీటి ఆధారంగానే పరీక్షలు చేయించుకున్న తర్వాత కొవిడ్‌ పాజిటివ్‌ తేలిన వారూ ఉన్నారు. అయితే, రుచి, వాసన కోల్పోవడానికి సంబంధించి ఆసక్తికర వివరాలను పరిశోధకులు వెల్లడించారు. స్వల్ప స్థాయి కొవిడ్‌ ఉన్నవారిలోనే ఎక్కువగా ఇలా జరగుతున్నట్లు పరిశోధకులు గుర్తించారు.

18 యూరోపియన్‌ ఆస్పత్రుల్లో సుమారు 2,581 మందిపై పరిశోధన అనంతరం ఆ వివరాలను పరిశోధకులు పంచుకున్నారు. ఈ అధ్యయనం జర్నల్‌ ఆఫ్‌ ఇంటర్నల్‌ మెడిసిన్‌లో ప్రచురితమైంది. స్వల్ప స్థాయిలో కొవిడ్‌ బారిన పడిన వారిలో దాదాపు 85.9 శాతం మందిలో వాసన, రుచి కోల్పోవడాన్ని గుర్తించినట్లు పరిశోధకులు పేర్కొన్నారు. మధ్యస్థ స్థాయి తీవ్రత కలిగిన కేసుల్లో 4.5 శాతం మంది, తీవ్ర స్థాయి కేసుల్లో 6.9 శాతం మందిలో మాత్రమే ఈ విధంగా జరిగినట్లు గుర్తించామన్నారు. అలాగే ఒకసారి వాసన కోల్పోయిన తర్వాత 18 నుంచి 21 రోజుల్లో రోగి యథావిధిగా కోలుకున్నట్లు తెలిపారు. కేవలం ఐదు శాతం మందిలో మాత్రమే దాదాపు ఆరు నెలల వరకు సమయం పట్టిందని పరిశోధకులు పేర్కొన్నారు. అలాగే, పెద్దలతో పోలిస్తే ఎక్కువగా యువకుల్లోనే వాసన కోల్పోవడం ఎక్కువగా జరుగుతున్నట్లు గుర్తించామని, అయితే మరిన్ని పరిశోధనలు దీనికి అవసరమని వివరించారు.

ఇవీ చదవండి..
మా వ్యాక్సిన్‌తో రెండేళ్లపాటు ఇమ్యూనిటీ..!
టీకా వేయించుకున్నా..మాస్కులు ఎందుకంటే..?

Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని