Tirupati: తిరుపతిలో వింత ఘటన

తిరుపతి: తిరుపతి శ్రీకృష్ణానగర్‌లో ఓ వింత ఘటన చోటుచేసుకుంది. భూమిలో నుంచి సిమెంటు రింగుల ట్యాంకు పైకి వచ్చింది. సిమెంటు రింగులతో చేసిన ట్యాంకును శుభ్రం చేస్తుండగా ఈ ఘటన జరిగింది. ఈ సంఘటనలో స్పల్ప గాయాలతో ఓ మహిళ బయటపడింది. 25 రింగుల్లో 18 సిమెంటు రింగులు భూమిపైకి వచ్చాయి. భూమిపైకి వచ్చిన రింగులను చూసి స్థానికులు ఆశ్చర్యం వ్యక్తం చేస్తున్నారు. వరద నీటి ఒత్తిడితో రింగులు పైకి వచ్చినట్లు స్థానికులు భావిస్తున్నారు.  తిరుపతిలో గత కొన్నిరోజులుగా భారీ వర్షాలు కురిస్తుండడంతో పలు ప్రాంతాలు నీట మునిగిన సంగతి తెలిసిందే.