పీపీఎఫ్ డిపాజిట్ సౌకర్యాన్ని అందించనున్న మరిన్ని పోస్టాఫీసులు...
FY 20 కోసం డిపాజిట్ల చెల్లింపు గడువును జూన్ 30, 2020 వరకు పొడిగించింది...
ప్రసిద్ధి పొందిన చిన్న పొదుపు పథకం అయిన పబ్లిక్ ప్రావిడెంట్ ఫండ్ (పీపీఎఫ్) ను విస్తృతంగా అందుబాటులోకి తీసుకురావడానికి, ఈ పథకాన్ని సింగిల్ హ్యాండ్ సబ్ పోస్టాఫీసుల వరకు వెంటనే అమలులోకి తీసుకురావడానికి ఇండియా పోస్ట్ ఆమోదించింది.
పీపీఎఫ్ పథకాన్ని సింగిల్ హ్యాండెడ్ సబ్ పోస్ట్ కార్యాలయాలకు విస్తరించడానికి ఎప్పటికప్పుడు సూచనలు వచ్చాయి. ఇటీవల నోటిఫై చేసిన పబ్లిక్ ప్రావిడెంట్ ఫండ్ రూల్స్, 2019 లో ఈ విషయాన్ని వివరంగా తెలిపింది, తదనుగుణంగా పీపీఎఫ్ పథకాన్ని సింగిల్ హ్యాండెడ్ సబ్ పోస్ట్ ఆఫీసుల వరకు వెంటనే అమలులోకి తీసుకురావడానికి అధారిటీ ఆమోదించిందని ఇండియా పోస్ట్ సర్క్యులర్లో తెలిపింది.
సబ్ పోస్టాఫీసుల తనిఖీ ఫారంలో అవసరమైన సవరణలను డైరెక్టరేట్ సంబంధిత శాఖ జారీ చేస్తుంది, దీని ద్వారా ఎలాంటి మోసం జరిగే అవకాశం లేదని సర్క్యులర్ తెలిపింది.
కరోనా వైరస్ వ్యాప్తి కారణంగా విధించిన లాక్ డౌన్ దృష్ట్యా, పబ్లిక్ ప్రావిడెంట్ ఫండ్ (పీపీఎఫ్), సుకన్య సమృద్ది పథకంతో సహా కొన్ని చిన్న పొదుపు పథకాలకు ప్రభుత్వం డిపాజిట్ నిబంధనలను సడలించింది. FY 20 కోసం డిపాజిట్ల చెల్లింపు గడువును జూన్ 30, 2020 వరకు పొడిగించింది. లాక్ డౌన్ కారణంగా 2019-20 ఆర్థిక సంవత్సరానికి చేయని డిపాజిట్లకు ఇది వర్తిస్తుంది.
పీపీఎఫ్, సుకన్య సమృద్ది ఖాతాల చందాదారులు 2020-21 ఆర్థిక సంవత్సరానికి సాధారణ పద్ధతిలో డిపాజిట్ చేయడం కొనసాగించవచ్చు. చందాదారులు 2019-20 ఆర్థిక సంవత్సరం, 2020-21 ఆర్థిక సంవత్సరానికి వేర్వేరుగా వారి ఖాతాల్లో జమ చేయాలి. అయితే, పీపీఎఫ్, సుకన్య సమృద్ది ఖాతాల్లో అసలు డిపాజిట్ తేదీ నుంచి వడ్డీ వర్తిస్తుంది. అలాగే, ఒకవేళ పీపీఎఫ్ చందాదారుల ఖాతాలు మార్చి 31, 2020 న మెచ్యూర్ అయినట్లయితే, ఇప్పుడు ఖాతాను జూన్ 30 వరకు పొడిగించుకోవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
‘విక్రమార్కుడు’, ‘బజరంగీ భాయిజాన్’ సీక్వెల్స్ అప్డేట్.. ఎంతవరకు వచ్చాయంటే!
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
ఎన్నికల కోడ్ ఉల్లంఘనపై షర్మిలకు ఈసీ నోటీసులు
-
కావ్య బాధ.. శారీలో లావణ్య, మౌనీరాయ్
-
విప్రో క్యూ4 ఫలితాలు.. లాభంలో 8 శాతం క్షీణత
-
ఎర్రకోటపై కాంగ్రెస్ జెండా ఎగరడం పక్కా: సీఎం రేవంత్రెడ్డి