Published : 25/05/2021 01:18 IST

National news: గుర్రం అంతిమయాత్రకు వందల మంది హాజరు

బెంగళూరు: కరోనా నిబంధనలు ఉల్లంఘిస్తూ వందల మంది ఓ గుర్రం అంతిమయాత్రకు హాజరవ్వడం చర్చనీయాంశంగా మారింది. ఈ ఘటనపై పోలీసులు కేసు నమోదు చేశారు. కర్ణాటక రాష్ట్రం బెళగావిలో ఆదివారం ఈ ఘటన జరిగింది. మరాడిమఠ్‌ గ్రామంలో స్థానికంగా ఉండే ఓ మత సంస్థకు చెందిన గుర్రం అనారోగ్యంతో ఆదివారం ఉదయం మృతిచెందింది. అయితే ఆ గుర్రం అంతిమయాత్ర నిర్వహించగా.. వందల మంది గ్రామస్థులు అందులో పాల్గొన్నారు. కరోనా విజృంభిస్తున్నా.. వారంతా ఎలాంటి నిబంధనలు పాటించకుండా ఆ అంతిమయాత్రలో పాల్గొన్నారు. వారిలో చాలా మంది మాస్కులు కూడా ధరించలేదు.

అయితే ఆ అంతిమయాత్రకు సంబంధించిన కొన్ని వీడియోలు సామాజిక మాధ్యమాల్లో వైరల్‌గా మారాయి. అప్రమత్తమైన పోలీసులు ఘటనపై కేసు నమోదు చేశారు. గ్రామాన్ని సీల్‌ చేశారు. గ్రామస్థులకు ప్రస్తుతం వైద్య సిబ్బంది ఆర్టీపీసీఆర్‌ పరీక్షలు నిర్వహిస్తున్నారని.. మరో 14 రోజులు గ్రామం నిర్బంధంలోనే ఉండనున్నట్లు పోలీసు సూపరింటెండెంట్‌ లక్ష్మణ్‌ నింబర్గి పేర్కొన్నారు.

కర్ణాటకలో కరోనా విలయతాండవం చేస్తుండటంతో అప్రమత్తమైన ప్రభుత్వం ఈ నెల 10వ తేదీ నుంచి లాక్‌డౌన్‌ విధించింది.  24వ తేదీ వరకు కొనసాగుతుందని తెలిపింది. కాగా తాజాగా జూన్‌ 7 వరకు లాక్‌డౌన్‌ను పొడిగిస్తున్నట్లు ప్రకటించింది. కర్ణాటకలో ఇప్పటివరకు 24 లక్షలకు పైగానే కరోనా కేసులు నమోదయ్యాయి. 25 వేలకు పైగా మంది మృతిచెందారు. ప్రస్తుతం ఆ రాష్ట్రంలో 4.73 లక్షల యాక్టివ్‌ కేసులున్నాయి.

Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని