చిన్నారులకు ‘కొవావాక్స్’ విడుదల అప్పుడే.. అధర్ పూనావాలా
చిన్నారుల్లో కొవిడ్ కట్టడికి అమెరికాకు చెందిన ఫార్మా సంస్థ నోవావాక్స్ రూపొందించిన ‘కొవావాక్స్’ టీకా వచ్చే ఏడాది జనవరి లేదా ఫిబ్రవరిలో భారత్లో విడుదలయ్యే అవకాశం ఉందని సీరం ఇన్స్టిట్యూట్ ఆఫ్ ఇండియా సీఈవో అధర్ పూనావాల ఆశాభావం వ్యక్తం
దిల్లీ: చిన్నారుల్లో కొవిడ్ కట్టడికి అమెరికాకు చెందిన ఫార్మా సంస్థ నోవావాక్స్ రూపొందించిన ‘కొవావాక్స్’ టీకా వచ్చే ఏడాది జనవరి లేదా ఫిబ్రవరిలో భారత్లో విడుదలయ్యే అవకాశం ఉందని సీరం ఇన్స్టిట్యూట్ ఆఫ్ ఇండియా సీఈవో అధర్ పూనావాలా ఆశాభావం వ్యక్తం చేశారు. 18 ఏళ్లు ఆపైవారి కోసం తయారు చేసిన వ్యాక్సిన్ ఈ ఏడాది అక్టోబరులోనే వచ్చే అవకాశం ఉందన్నారు. భారత ఔషధ నియంత్రణ సంస్థ (డీజీసీఐ) అనుమతులపై వాటి విడుదల ఆధారపడి ఉందని తెలిపారు. శుక్రవారం ఆయన పార్లమెంట్ ప్రాంగణంలో కేంద్ర హోంశాఖ మంత్రి అమిత్షా, ఆరోగ్యశాఖ మంత్రి మన్సుఖ్ మాండవీయను కలిశారు. అనంతరం మీడియాతో మాట్లాడారు.
కొవావాక్స్ టీకా రెండు డోసుల్లో వేస్తారని, దేశంలో విడుదలయ్యే సమయంలో ధర ఖరారయ్యే అవకాశం ఉందని అధర్ తెలిపారు. టీకాల ఉత్పత్తి, ఆర్థిక తోడ్పాటు విషయంలో కేంద్రం అండగా ఉందని, ఈ విషయంలో మద్దతుగా నిలుస్తున్న ప్రధాని నరేంద్ర మోదీకి ధన్యవాదాలు తెలుపుతున్నట్లు చెప్పారు. వైరస్ కట్డడిలో కొవావాక్స్ 100 శాతం ప్రభావవంతంగా ఉందని, 90.4 శాతం పనితీరు కనబర్చుతోందని నోవావాక్స్ గతంలో ఓ ప్రకటనలో పేర్కొంది. ప్రస్తుతానికి దేశంలో 18 ఏళ్లు, ఆపై వారికి టీకా వేస్తున్నారు. చిన్నారులకు వ్యాక్సినేషన్ ఈ నెలలో ప్రారంభమయ్యే అవకాశం ఉందని ఆరోగ్యశాఖ మంత్రి తెలిపారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
తాజా వార్తలు (Latest News)
-
ఒకే ద్విచక్రవాహనంపై ప్రయాణం.. బస్సు ఢీకొని నలుగురు ఇంటర్ విద్యార్థుల మృతి
-
సూర్యాపేట జిల్లాలో ఘోర రోడ్డు ప్రమాదం.. ఆరుగురు మృతి
-
జూదరులతో కలిసి పుట్టిన రోజు వేడుకలు.. మంగళ్హాట్ డీఐ సస్పెన్షన్ ?
-
టీ20 ప్రపంచకప్నకు టీమ్ ఇండియాను మీరే ఎంపిక చేయండి!
-
సరిహద్దు దాటిన మానవత్వం.. భారతీయుడి దానంతో పాక్ యువతికి కొత్త జీవితం
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’