హరితహారం: చివరిస్థానంలో జీహెచ్‌ఎంసీ

హైదరాబాద్‌: తెలంగాణలో ఆరో విడత హరితహారం కింద ఇప్పటి వరకు 11.78కోట్ల మొక్కలు నాటినట్లు ప్రభుత్వం వెల్లడించింది. ఈ దఫా లక్ష్యం 29.86 కోట్ల మొక్కల్లో ఇప్పటి వరకు 39.46శాతం పూర్తయినట్లు పేర్కొంది. నిర్దేశించిన లక్ష్యంలో 96.52 శాతంతో కామారెడ్డి జిల్లా మొదటిస్థానంలో ఉందని ప్రభుత్వం తెలిపింది. 70శాతానికిపైగా కొత్తగూడెం, వరంగల్‌ జిల్లాలు, 60శాతానికిపైగా మేడ్చల్‌, మహబూబ్‌నగర్‌, ఆసిఫాబాద్‌ జిల్లాలు ఉన్నాయి. 24.82శాతంతో వరంగల్‌ అర్బన్‌, 12.61శాతంతో హెచ్‌ఎండీఏ ఉన్నాయి. నిర్దేశించిన లక్ష్యంలో కేవలం 5.25 శాతంతో చివరిస్థానంలో జీహెచ్‌ఎంసీ నిలిచింది.