Tamilnadu: పేడతో కొట్టుకుంటేనే వాళ్లకు దీపావళి!
దీపావళి పర్వదినాన్ని సాధారణంగా ఇళ్ల ముందు దీపాలు వెలిగించి, రంగు రంగుల విద్యుత్ దీపాలతో అలంకరించి టపాసులు కాల్చుతూ.. ఆనందంగా జరుపుకొంటారు. కానీ, తమిళనాడులోని ఓ గ్రామంలో మాత్రం దీపావళిని..
చెన్నై: దీపావళి పర్వదినాన్ని సాధారణంగా ఇళ్ల ముందు దీపాలు వెలిగించి, రంగు రంగుల విద్యుత్ దీపాలతో అలంకరించి టపాసులు కాల్చుతూ.. ఆనందంగా జరుపుకొంటారు. కానీ, తమిళనాడులోని ఓ గ్రామంలో మాత్రం దీపావళిని వినూత్నంగా చేసుకున్నారు. ఆవు పేడతో కొట్టుకుంటూ పండగ జరుపుకొన్నారు. తమిళనాడులోని ఈరోడ్ జిల్లా గుమటపురం గ్రామానికి చెందిన ప్రజలు పండుగ రోజు ఒకే చోట చేరి గోరాయ్ హబ్బా అనే కార్యక్రమం నిర్వహించారు. ఇందులో భాగంగా ఆవుపేడను ఒకరిపై ఒకరు విసురుకుంటూ సందడిగా గడిపారు. ఈ పండుగలో గ్రామస్థులు శరీరభాగాలకు పేడను పూసుకుంటూ వేడుక చేసుకుంటారు. పేడను విసురుకునేటప్పుడు కోపాన్ని దరి చేరనీయకుండా ఇతరుల పట్ల స్నేహభావాన్నే కలిగి ఉంటారు. పూర్వీకుల నుంచి వస్తున్న సంప్రదాయాన్ని గుమటపురం గ్రామప్రజలు కొనసాగిస్తున్నారు. 100 ఏళ్ల నుంచి ఈ పండుగను జరుపుకుంటున్నామని గ్రామస్థులు చెబుతున్నారు.
ఆవుపేడను చుట్టుపక్కల ప్రాంతాల నుంచి సేకరించి గ్రామంలోని ధీరేశ్వర దేవాలయం వద్ద పోగుచేస్తారు. ఆ ప్రదేశాన్ని రంగు రంగుల కాగితాలతో అలంకరిస్తారు. పండుగ రోజు అక్కడికి గుంపుగా వెళ్లి దేవాలయంలో పూజలు నిర్వహిస్తారు. అనంతరం పేడను ఒకరిపై ఒకరు విసురుకుంటారు. సంప్రదాయంగా ప్రతి ఏడాదీ ఈ పండగను జరుపుకొంటామని, కుల వివక్షకు తావులేకుండా అందరం కలిసి ఒక చోట ఈ వేడుకను నిర్వహిస్తామని గ్రామస్థులు తెలిపారు. కలిసి మెలిసి జీవించాలనే సందేశాన్ని ‘గోరాయ్ హబ్బా’ కార్యక్రమం ఇస్తుందని అన్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
తాజా వార్తలు (Latest News)
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!
-
కావ్య బాధ.. శారీలో లావణ్య, మౌనీరాయ్
-
నేటి రాశి ఫలాలు.. 12 రాశుల ఫలితాలు ఇలా... (19/04/24)
-
‘ప్రేమలు 2’ ఫిక్స్.. రిలీజ్ ఎప్పుడంటే?
-
కాంగ్రెస్ ఎన్నికల ప్రచారంలో షారూఖ్ ఖాన్ ?... భాజపా అభ్యంతరం