Published : 20/07/2020 16:19 IST

కరోనా బాధితుల ఫ్లాష్‌మాబ్‌!

బళ్లారి: కరోనా బారిన పడితే సర్వం కోల్పోయామని భావిస్తుంటారు కొందరు. ఆస్పత్రిలో చేరినంత మాత్రాన ఏదో అయ్యిందని అనుకుని మరింత కుంగిపోతుంటారు. సాధారణంగా కరోనా బారిన పడిన వారి ఆలోచనలు ఇలానే ఉంటాయి. అందులోనూ ఈ మహమ్మారి బారిన పడినప్పుడు ఆత్మస్థైర్యం కోల్పోకూడదనేది వైద్యులు పదే పదే చెబుతున్న మాట. అందుకే కర్ణాటక బళ్లారిలోని కొవిడ్‌ కేర్‌ సెంటర్‌ నిర్వాహకులు వినూత్న ఆలోచన చేసి కరోనా బాధితుల్లో  ఉత్తేజం నింపారు.

కరోనా నేపథ్యంలో బళ్లారిలోని ప్రభుత్వ డెంటల్‌ కాలేజీని కొవిడ్‌ కేర్‌ సెంటర్‌గా మార్చారు. కరోనా లక్షణాలు లేకుండా పాజిటివ్‌ తేలిన వారి కోసం దీన్ని ప్రత్యేకించారు. ఇందులో చికిత్స పొందుతున్న వారంతా కొద్దిరోజులుగా ఇంటికి దూరంగా ఉంటున్నారు. వారిలో ఒంటరితనం పోగొట్టి వారిలో ఉత్సాహం నింపేందుకు ఆ సెంటర్‌ నిర్వాహకులు ఆదివారం ఫ్లాష్‌మాబ్‌ ఏర్పాటు చేశారు. దీనికి సంబంధించిన వీడియో సోమవారం బయటకొచ్చింది. కన్నడతో పాటు, పలు బాలీవుడ్‌ చిత్రాలకు బాధితులంతా నృత్యాలు చేశారు. భౌతిక దూరం పాటిస్తూనే మాస్కులు ధరిస్తూ పాటలకు చిందేశారు. అక్కడి సిబ్బంది సైతం ఇందులో పాల్గొన్నారు. దీంతో ఈ వీడియో సామాజిక మాధ్యమాల్లో చక్కర్లు కొడుతోంది.


Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని