AP corona update: ఏపీలో కొత్తగా 220 కొవిడ్‌ కేసులు నమోదు

అమరావతి: ఏపీలో కరోనా వ్యాప్తి కొనసాగుతోంది. తాజాగా 220 కొత్త కేసులు నమోదైనట్టు అధికారులు వెల్లడించారు. గడిచిన 24గంటల వ్యవధిలో రాష్ట్ర వ్యాప్తంగా 24,532 శాంపిల్స్‌ పరీక్షించగా.. 220 మందికి పాజిటివ్‌గా తేలినట్టు పేర్కొన్నారు. 429 మంది కోలుకున్నట్టు తెలిపారు. అలాగే, చిత్తూరు, కృష్ణా, ప్రకాశం, పశ్చిమగోదావరి జిల్లాల్లో ఒక్కొక్కరు చొప్పున ప్రాణాలు కోల్పోయినట్టు అధికారులు వెల్లడించారు. 

ఏపీలో ఇప్పటివరకు 2,95,44,319 శాంపిల్స్‌ని పరీక్షించగా.. 20,66,670 మందికి పాజిటివ్‌గా నిర్ధారణ అయింది. వీరిలో 20,48,151మంది కోలుకోగా.. 14,377మంది మృతిచెందారు. ప్రస్తుతం రాష్ట్రంలో 4142 క్రియాశీల కేసులు ఉన్నాయి.