మరీ ఇంత ప్రేమా? విడాకులు ఇప్పించండి ప్లీజ్!
భర్త తనపై ప్రేమ చూపించడం లేదని విడాకులు తీసుకునే వారిని చూస్తుంటాం.. తరచూ గొడవ పడుతున్నాడని విడిపోవాలని అనుకుంటున్న వారి గురించి విని ఉంటాం.
లఖ్నవూ: భర్త తనపై ప్రేమ చూపించడం లేదని విడాకులు తీసుకునే వారిని చూసుంటాం. తరచూ గొడవ పడుతున్నాడని విడిపోవాలని అనుకుంటున్న వారి గురించి విని ఉంటాం. అయితే ఈ యూపీ మహిళ పరిస్థితి మాత్రం ఇందుకు పూర్తిగా భిన్నం. ఈమె విడాకుల కోసం చెప్పిన కారణం తెలిస్తే ఆశ్చర్యపోవాల్సిందే.
తన భర్త తనపై నిత్యం ప్రేమ కురిపించాలని ఏ మహిళైనా కోరుకుంటుంది. అయితే ఈ మహిళ మాత్రం ప్రేమ మరీ ఎక్కువైందని తన భర్త నుంచి విడాకులు అడుగుతోంది. తనతో గొడవ పడట్లేదని విడిపోవాలని కోరుకుంటోంది. ఉత్తర్ప్రదేశ్కు చెందిన ఓ మహిళకు 18 నెలల క్రితం వివాహమైంది. ఆ భర్త ఆమెను అపురూపంగా చూసుకుంటున్నాడు. ఆమెను సంతోషపెట్టేందుకు నిత్యం ప్రయత్నిస్తుంటాడు. అయితే ఇదే వారిద్దరి మధ్య అసలు సమస్యగా మారింది. తనపై చూపిస్తున్న అతి ప్రేమను తట్టుకోలేకపోతున్నానని ఆమె ఏకంగా విడాకులు కావాలని స్థానిక షరియా కోర్టును ఆశ్రయించింది.
‘నాకు ఇంటి పనుల్లో సహాయపడతాడు. వంట చేసి పెడతాడు. ఏదైనా తప్పు చేస్తే వెంటనే క్షమిస్తాడు. నాపై ఎప్పుడూ కోప్పడడు. కానీ.. నాకు అతడితో గొడవపడాలని ఉంటుందిగా. ఇంత ప్రేమను భరించలేను. ఇలాంటి వాతావరణంలో నేను ఇమడలేకపోతున్నా’ అంటూ ఆ మహిళ ఫిర్యాదులో పేర్కొంది. అయితే ఆమె చెప్పిన కారణం విని ఆమె పిటిషన్ను కోర్టు తిరస్కరించింది. ఈ సమస్యను భార్యభర్తలే చర్చించి పరిష్కరించుకోవాలని సూచించింది. దీంతో ఆమె స్థానిక పంచాయితీ పెద్దలనూ ఆశ్రయించింది. వారు కూడా అంత ప్రేమగా చూసుకునే భర్తతో ఎందుకు విడిపోతావని చెప్పి పంపించివేసినట్లు సమాచారం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మే 31 వరకు వేసవి సెలవులు.. ప్రకటించిన ఇంటర్ బోర్డు
తెలంగాణలోని ఇంటర్ కాలేజీలకు ఇంటర్మీడియట్ బోర్డు సెలవులు (TS Inter Summer Holidays) ప్రకటించింది. -
నేటి రాశి ఫలాలు.. 12 రాశుల ఫలితాలు ఇలా... (29/03/2024)
Rasi Phalalu in Telugu: ఈ రోజు ఏ రాశి వారికి ఎలా ఉంటుంది. డాక్టర్ శంకరమంచి శివసాయి శ్రీనివాస్ అందించిన నేటి రాశి ఫలాల వివరాలు..
తాజా వార్తలు (Latest News)
-
మర్మాంగంలోకి ఎయిర్ బ్లోయర్ నాజిల్.. యువకుడు మృతి
-
IPL 2024: కోల్కతా, రాజస్థాన్ జట్లలో ఒక్కో మార్పు.. కొత్తగా ఎవరొచ్చారంటే..
-
మే 31 వరకు వేసవి సెలవులు.. ప్రకటించిన ఇంటర్ బోర్డు
-
బాలకృష్ణ లుక్స్.. ఈ సారి ‘అఖండ’కు మించి: రామ్స్
-
అల్లు అర్జున్కు మరో అరుదైన గౌరవం.. తొలి సినిమా విడుదలైన రోజే
-
రిటైల్ బ్రాండ్ల చూపు.. ఆలయ నగరాల వైపు