జత ఎడ్లు.. రూ.17లక్షలు

రికార్డు ధరకు అమ్ముడైన వైనం

కర్ణాటకలోని బాగల్‌కోట్‌లో ఓ జత ఎడ్ల ధర అనూహ్యంగా రూ. 17లక్షలు పలికింది.  మహాలింగపుర్‌లోని నందగావ్‌లో సంగప్ప అనే వ్యవసాయదారు, అక్కిమారడికి చెందిన మల్లప్ప దగ్గరి నుంచి 2018లో ఆ ఎడ్లను కొన్నాడు. అప్పుడు వాటి విలువ రూ.8 లక్షలు. ఆ తర్వాత వాటికి రామ్‌-లక్ష్మణ్‌ అనే పేరు పెట్టిన సంగప్ప ఎంతో అపురూపంగా చూసుకున్నాడు. 48 పోటీల్లో పాల్గొన్న ఈ ఎడ్లు ఇప్పటివరకు సుమారు రూ. 9 లక్షలు సంపాదించి పెట్టాయట. దాదాపు అన్ని రేసుల్లోనూ తొలి రెండు స్థానాల్లోనే నిలిచేవి. ఏమైందో తెలియదు కానీ.. ఇప్పుడు మళ్లీ మల్లప్పకే వాటిని రూ.17 లక్షలకు విక్రయించాడు సంగప్ప.