మూడు అపార్ట్‌మెంట్లలో చోరీ

చోరీకి పాల్పడినట్లు భావిస్తున్న అనుమానితులు

ఆర్మూర్‌ పట్టణం, న్యూస్‌టుడే: పట్టణంలోని మూడు అపార్ట్‌మెంట్లలో గురువారం అర్ధరాత్రి దాటాక దొంగలు చొరబడ్డారు. తాళం వేసిన ప్లాట్లను లక్ష్యంగా చేసుకున్నారు. వర్ష అపార్ట్‌మెంట్‌లోని భాస్కర్‌ ఇంట్లోంచి 6 తులాల బంగారు ఆభరణాలు, సుమారు రూ.3 లక్షల వరకు నగదు అపహరించారు. ప్రీమియర్‌లో రెండు, వైష్ణవిలో రెండు ప్లాట్ల తాళాలు పగులగొట్టారు. వీటిల్లో ఏమీ దొంగిలించలేదు. జిల్లా గ్రంథాలయ సంస్థ ఛైర్మన్‌ ఎల్‌ఎంబీ రాజేశ్వర్‌ ప్లాట్‌లోనూ చోరీకి యత్నించారు. కేసు నమోదు చేసి దర్యాప్తు చేస్తున్నామని ఎస్‌హెచ్‌వో సైదేశ్వర్‌ తెలిపారు.