అద్భుత ఘట్టం.. మకర జ్యోతి దర్శనం

ఖమ్మం సాంస్కృతికం, న్యూస్‌టుడే

ఖమ్మం శ్రీనివాస్‌ నగర్‌ శ్రీశాస్తా దేవస్థానంలో మకర జ్యోతి దర్శనం అద్భుతంగా సాగింది. శుక్రవారం ఉదయం నుంచి అయ్యప్ప స్వామికి నెయ్యితో అభిషేకాలు, ప్రత్యేక పూజలు నిర్వహించారు. సాయంత్రం 6.30 గంటలకు శబరిమల దేవస్థానంలో మాదిరిగా మకర జ్యోతి దర్శనం నిర్వహించారు. మేల్‌శాంతి నారాయణ్‌ నంబూద్రి జ్యోతిని వెలిగించారు. మండల పూజ అనంతరం సంక్రాంతి సందర్భంగా ఏటా మకర జ్యోతి దర్శనం ఉంటుందని, 36 ఏళ్లుగా ఈ ఆనవాయితీ కొనసాగుతుందని నంబూద్రి తెలిపారు. జ్యోతి దర్శనానికి పెద్ద సంఖ్యలో తరలివచ్చారు.