ఎమ్మెల్యే ఈటలకు నోటీసులు

కరీంనగర్‌ నేరవార్తలు, న్యూస్‌టుడే: హుజూరాబాద్‌ ఎమ్మెల్యే ఈటల రాజేందర్‌కు కరీంనగర్‌ పోలీసులు నోటీసులు జారీ చేశారు. హుజూరాబాద్‌ ఉప ఎన్నిక ఫలితాల వెలువడిన తరువాత నవంబరు 2వ తేదీన ఎన్నికల నిబంధనలకు విరుద్ధంగా విజయోత్సవ ర్యాలీ నిర్వహించడమే కాకుండా, కరోనా నిబంధనలు పట్టించుకోలేదని పేర్కొంటూ కరీంనగర్‌ మూడో ఠాణా పోలీసులు కేసు నమోదు చేశారు. విచారణ నిమిత్తం ఠాణాకు హాజరు కావాలని పేర్కొంటూ కరీంనగర్‌ మూడో ఠాణా పోలీసులు సోమవారం ఎమ్మెల్యే ఈటల రాజేందర్‌కు నోటీసులు జారీ చేసినట్లు ఇన్‌స్పెక్టర్‌ దామోదర్‌రెడ్డి తెలిపారు.