Karnataka: మాట వినలేదని మద్యం దుకాణంపై మహిళల కన్నెర్ర..!

బెంగళూరు: వద్దని వ్యతిరేకించినా మద్యం దుకాణం ఏర్పాటు చేయడంపై కర్ణాటకలోని ముస్లాపూర్‌లో స్ధానిక మహిళలు కన్నెర్ర చేశారు. రెండు రోజుల క్రితం ఏర్పాటు చేసిన మద్యం దుకాణాన్ని ధ్వంసం చేశారు. ముస్లాపూర్ గ్రామంలో మద్యం దుకాణాన్ని ప్రారంభించాలని నిర్ణయించగా.. మహిళలు వ్యతిరేకిస్తూ ఇటీవల నిరసన తెలిపారు.  అయినా రెండు రోజుల క్రితం దుకాణాన్ని ప్రారంభించారు. మద్యం దుకాణాన్ని మూసివేయాల్సిందిగా 50 మంది మహిళలు యజమానికి మొదట విజ్ఞప్తి చేశారు. అయితే ఆయన అంగీకరించకపోవడంతో ఆగ్రహించిన మహిళలు మద్యం దుకాణంలోకి ప్రవేశించి ఫర్నిచర్‌ను ధ్వంసం చేశారు. ఈ ఘటనపై దుకాణం యజమాని పోలీసులకు ఫిర్యాదు చేశారు.