Updated : 15/11/2021 01:42 IST

Bihar: ఒకే కుటుంబంలోని నలుగురిని ఉరితీసిన మావోయిస్టులు

గయా: బిహార్​లో నక్సలైట్లు దారుణానికి పాల్పడ్డారు.ఒకే కుటుంబానికి చెందిన నలుగురిని ఇంటి బయటే ఉరితీశారు. గయాలోని మౌన్​బార్ గ్రామంలో ఈ ఘటన చోటుచేసుకుంది. గ్రామంలోని ఓకే కుటుంబానికి చెందిన నలుగురిని నక్సలైట్లు ఉరి తీసి హత్య చేశారు. అనంతరం వారి ఇంటిని బాంబులతో పేల్చారు. ఈ కుటుంబంలోని వ్యక్తులు పోలీసు ఇన్ఫార్మర్లుగా వ్యవరిస్తున్నారని నక్సలైట్లు గ్రామంలో పోస్టర్లు అంటించారు. పోలీసులకు వీరు సమాచారం ఇవ్వడంతోనే గతంలో జరిగిన ఓ ఎన్​కౌంటర్​లో చాలా మంది మావోయిస్టులు ప్రాణాలు కోల్పోయారని, అందుకు ప్రతీకారంగానే ఇప్పుడు ఈ చర్యకు పాల్పడినట్లు ఆ పోస్టర్లలో పేర్కొన్నారు. ఈ ఘటనపై కేసు నమోదు చేసుకున్న పోలీసులు మావోయిస్టుల కోసం గాలిస్తున్నారు.

మధ్యప్రదేశ్​లోని బాలాఘాట్ జిల్లాలో మావోయిస్టులు శనివారం ఇద్దరు గ్రామస్థులను కాల్చి చంపారు. బాధితులు పోలీస్ ఇన్‌ఫార్మర్లనే అనుమానంతోనే మావోయిస్టులు వారిని హత్య చేసినట్లు తెలుస్తోంది. బైహర్ పోలీస్​స్టేషన్​పరిధిలోని మాలిఖేడి గ్రామంలో శుక్రవారం రాత్రి ఈ ఘటన జరిగింది. గ్రామస్థులు పోలీసు ఇన్‌ఫార్మర్లుగా పనిచేస్తే తీవ్ర పరిణామాలు ఉంటాయని హెచ్చరిస్తూ ఘటనా స్థలంలో మావోయిస్టులు కరపత్రాలు వదిలివెళ్లారు. ఇదిలా ఉండగా.. మహారాష్ట్రలోని గడ్చిరోలిలో జవాన్లు, మావోయిస్టుల మధ్య జరిగిన భారీ ఎన్‌కౌంటర్‌లో 26 మంది మావోయిస్టులు మృతిచెందిన విషయం తెలిసిందే.

Read latest Crime News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని