Crime News: హైదరాబాద్‌ గచ్చిబౌలిలో ఫ్యాషన్‌ డిజైనర్‌ ఆత్మహత్య

హైదరాబాద్‌: నగరంలోని గచ్చిబౌలి పరిధిలో ఫ్యాషన్‌ డిజైనర్‌ ఆత్మహత్య చేసుకున్నారు. శతాబ్ది (32) అనే యువతి తన ఫ్లాట్‌లో ఉరేసుకొని ఆత్మహత్యకు పాల్పడ్డారు. శతాబ్ది గది నుంచి దుర్వాసన రావడంతో గమనించిన సహచరులు అపార్ట్‌మెంట్‌ సెక్యూరిటీకి సమాచారం అందించారు. గదిలోకి వెళ్లి చూడగా శతాబ్ది ఉరేసుకొని ఆత్మహత్య చేసుకున్నట్లు గుర్తించారు. సెక్యూరిటీ సిబ్బంది వెంటనే గచ్చిబౌలి పోలీసులకు సమాచారం అందించారు. సంఘటనా స్థలానికి చేరుకున్న గచ్చిబౌలి పోలీసులు యువతి మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. శతాబ్ది ఆత్మహత్యకు గల కారణాలు తెలియరాలేదని.. కేసు నమోదు చేసుకొని దర్యాప్తు చేస్తున్నట్లు పోలీసులు తెలిపారు.