Published : 03/09/2020 02:44 IST

ఇంకా నయం, ఎన్‌కౌంటర్‌ కాలేదు

విడుదలైన యూపీ వైద్యుడి సంచలన వ్యాఖ్యలు

మథుర: దేశద్రోహ ఆరోపణలతో జైలుశిక్ష అనుభవిస్తున్న ఉత్తర్‌ప్రదేశ్‌‌ వైద్యుడు డా.కఫీల్ ఖాన్.. అలహాబాద్ హైకోర్టు తీర్పుతో ఎట్టకేలకు విడుదలయ్యారు. బుధవారం అర్ధరాత్రి విడుదలైన ఆయన పలు ఆసక్తికర వ్యాఖ్యలు చేశారు. ‘‘ నా ప్రసంగంలో హింస, విద్వేషాలను రెచ్చగొట్టే అంశాలేవీ లేవని కోర్టు స్పష్టం చేసింది. న్యాయస్థానం తీర్పుకు ధన్యవాదాలు. అలాగే నన్ను ముంబై నుంచి మథురకు తీసుకొచ్చిన స్పెషల్ టాస్క్‌ఫోర్స్ పోలీసులకు కూడా కృతజ్ఞతలు చెప్తున్నాను. మార్గమధ్యలోనే నన్ను ఎన్‌కౌంటర్ చేయకుండా జైలుకు తీసుకొచ్చినందుకు వారికి ధన్యవాదాలు.’’ అని కఫీల్ ఖాన్ వ్యాఖ్యానించారు. అంతేకాకుండా తనను ఇంకో కేసులో ఇరికించాలని చూస్తున్నారంటూ సంచలన వ్యాఖ్యలు చేశారు.

డా.కఫీల్ ఖాన్ ఉత్తరప్రదేశ్‌లోని గోరఖ్‌పూర్‌లోని బీఆర్‌డీ మెడికల్‌ కాలేజీలో అసిస్టెంట్‌ లెక్చరర్‌గా విధులు నిర్వహించేవారు. ఆగస్టు 2017న ఆక్సిజన్‌ అందకపోవటంతో 60 మంది శిశువులు మృతిచెందిన ఘటనలో... విధినిర్వహణలో అలక్ష్యంగా వ్యవహరించారన్న ఆరోపణలపై ఈయనను సస్పెండ్‌ చేశారు. ఈ కేసుకు సంబంధించి సుమారు తొమ్మిది నెలల పాటు జైలులో ఉన్న అనంతరం నిర్దోషిగా విడుదలయ్యారు.

 కఫీల్‌ ఖాన్‌ జనవరి 29నాటి అలీగఢ్ ముస్లిం యూనివర్శిటీలో సీఏఏ వ్యతిరేక ఆందోళనలో పాల్గొన్నారు. ఈ సందర్భంగా ఆయన చేసిన ప్రసంగం ప్రజలను రెచ్చగొట్టేదిగా ఉందని.. ఆయనపై దేశ ద్రోహం అభియోగాలు మోపుతూ జాతీయ భద్రతా చట్టం కింద పోలీసులు అరెస్ట్ చేశారు. అయితే నాటి ప్రసంగంలో హింస, విద్వేషపూరిత అంశాలేవీ లేవని అలహాబాద్ హైకోర్టు మంగళవారం తీర్పునిచ్చింది. అంతేకాకుండా ఆయనను వెంటనే విడుదల చేయాలని ఆదేశాలిచ్చింది. దీంతో ఉత్తరప్రదేశ్‌లోని మథుర కారాగారం నుంచి బుధవారం అర్ధరాత్రి విడుదలయ్యారు. ఈ సందర్భంగా కఫీల్‌ ఖాన్‌ మాట్లాడుతూ తనను ప్రభుత్వ విధుల్లో చేరేందుకు అనుమతించాల్సిందిగా ప్రభుత్వాన్ని కోరారు.

 

Read latest Crime News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని