ఆస్ప్రిన్‌ అందరికీ వద్దు!

గుండెజబ్బు లేకపోయినా ముందు జాగ్రత్తగా ఆస్ప్రిన్‌ మాత్రలు వేసుకుంటున్నారా? అయితే మరోసారి ఆలోచించుకోండి. అప్పటికే గుండెజబ్బులు గలవారికి తప్ప ఆరోగ్యంగా ఉన్నవారికివి అంతగా ఉపయోగపడటం లేదని, లాభాల కన్నా నష్టాలే ఎక్కువగా ఉంటున్నాయని తాజా అధ్యయనం ఒకటి పేర్కొంటోంది. గుండెపోటు, పక్షవాతం బారినపడ్డవారికి.. బైపాస్‌ సర్జరీ చేయించుకున్నవారికి డాక్టర్లు ముందు జాగ్రత్తగా తక్కువ మోతాదులో (325 మి.గ్రా. కన్నా తక్కువ) ఆస్ప్రిన్‌ ఇస్తుంటారు. కానీ కొందరు ముందు జాగ్రత్తగా.. అదీ డాక్టర్‌ సలహా లేకుండా సొంతంగా కొనుక్కొని వీటిని వేసుకుంటుంటారు. ఇది మంచి పద్ధతి కాదని బ్రిటన్‌, ఇటలీ పరిశోధకుల అధ్యయనం పేర్కొంటోంది. గుండెజబ్బులు లేనివారు వీటిని వేసుకుంటే గుండెపోటు ముప్పు 17% వరకు తగ్గుతున్నప్పటికీ.. పేగుల్లో రక్తస్రావం ముప్పు 47%, మెదడులో రక్తస్రావం ముప్పు 34% అధికంగా ఉంటున్నట్టు తేలటం గమనార్హం. అందువల్ల డాక్టర్‌ సలహా లేకుండా స్వల్ప మోతాదు ఆస్ప్రిన్‌ వేసుకోవటం తగదన్నది పరిశోధకుల సూచన. దీని కన్నా రక్తపోటు అదుపులో ఉంచుకోవటం, పొగ అలవాటు మానెయ్యటం, కొలెస్ట్రాల్‌ తగ్గించుకోవటం మీద దృష్టి పెట్టటం మేలు.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

మరిన్ని

రుచులు

App