close
బడి వదిలి... పొలానికి కదిలి..

కూలీలను పెట్టుకునే స్థోమత లేక సొంత పిల్లలను పనికి పంపుతున్న రైతులు
జోగులాంబ గద్వాల జిల్లా పాఠశాలల్లో పడిపోతున్న హాజరుశాతం
ఈనాడు డిజిటల్‌, గద్వాల

కూలీలను పెట్టుకునేందుకు ఆర్థిక పరిస్థితి సహకరించదు. సాగు చేయకుంటే అప్పు తీరదు. ఎటూ పాలుపోని స్థితిలో రైతన్న పిల్లలను బడి మాన్పించి పొలాల్లో పనులకు పంపుతున్నాడు. జోగులాంబ గద్వాల జిల్లాలో విత్తనపత్తి సాగుచేస్తున్న కుటుంబాల దయనీయ గాథ ఇది. జిల్లాలో 49,157 ఎకరాల్లో విత్తనపత్తి సాగు చేస్తున్నారు. తెలంగాణలో విత్తనపత్తిని ఈ ఒక్క జిల్లాలోనే సాగు చేస్తారు. దేశంలోనే 25 శాతం విత్తనపత్తి గద్వాల జిల్లాలో సాగవుతోంది. గద్వాల కేంద్రంగా ఆర్గనైజర్లను ఏర్పాటు చేసుకొన్న పది ప్రముఖ కంపెనీలు వారి ద్వారా విత్తనపత్తి వ్యాపారం చేస్తున్నాయి. చిన్న, సన్నకారు రైతుల అవసరాలను ఆసరా చేసుకొని వడ్డీలకు రూ.లక్షల్లో రుణాలిస్తూ విత్తనపత్తి సాగును ప్రోత్సహిస్తున్నారు.

36 శాతం బడికి దూరం
జోగులాంబ గద్వాల జిల్లాలోని 458 ప్రభుత్వ పాఠశాలల్లో 73,381 మంది విద్యార్థులు చదువుతున్నారు. ఇందులో విత్తనపత్తి సాగు పనులకు ప్రధానంగా తక్కువ కమతాలున్న కుటుంబాలు తమ పిల్లలను బడికి పంపకుండా పొలాలకు తీసుకెళ్తున్నాయి. గత ఆగస్టు, సెప్టెంబరు మాసాల్లో జిల్లా పాఠశాలల్లో 74 శాతం మాత్రమే సగటు హాజరు నమోదయ్యింది. మిగతా 26 శాతం విద్యార్థులు విత్తనపత్తి సాగుకే వెళ్లారు. పొలం పనులు ముగిసిన తర్వాత కూడా జిన్నింగు మిల్లుల్లో విత్తనాలు ఏరడానికి వెళ్తున్నారు.


ది జోగులాంబ గద్వాల జిల్లా ధరూర్‌ మండలం ఉప్పేరులోని ఉన్నతపాఠశాల. ఇక్కడ  614 మంది విద్యార్థులు చదువుతున్నారు. గత ఆగస్టు నెలలో 416 మంది మాత్రమే తరగతులకు హాజరయ్యారు. సెప్టెంబరులో 345 మందే బడి మెట్లు ఎక్కారు. అక్టోబరులో హాజరుశాతం సగానికిపైగా పడిపోయింది. విద్యార్థులు పాఠశాలకు హాజరుకాకపోవడానికి ప్రధాన కారణం విత్తనపత్తి సాగేనని ఆ పాఠశాల ఉపాధ్యాయుడు వెంకటేశ్వర్‌రెడ్డి తెలిపారు. పొలాలకు వెళ్లి నచ్చజెప్పినా పరిస్థితిలో మార్పు రావడం లేదని ఆయన చెప్పారు.


త్తిపొలంలో పనిచేస్తున్న వీరిద్దరూ సోదరులు. ఒకరు ధరూరు మండలం గూడెందొడ్డి పాఠశాలలో 5వ తరగతి చదువుతుండగా.. మరొకరు గద్వాలలో ఇంటర్‌ మొదటి సంవత్సరం చదువుతున్నారు. తల్లిదండ్రులతో కలిసి విత్తనపత్తిలో మొగ్గలు ఏరుతున్నారు. రూ.25 వేలకు కౌలుకు తీసుకొని విత్తనపత్తి సాగు చేస్తున్నానని, ఆర్గనైజరు దగ్గర రూ.3 లక్షలు అప్పు తెచ్చానని రైతు పెద్ద కృష్ణన్న తెలిపారు. కూలీలను పెట్టుకుంటే ఒక్కొక్కరికి రోజుకు రూ.350 ఇవ్వాలని, అంతటి స్థోమత తనకు లేదన్నారు. ఈ కుటుంబం మొత్తం విత్తనపత్తి పొలంలోనే మూడు నెలలుగా పనిచేస్తోంది.

సాగు ఖర్చు తగ్గించుకోడానికే
దేశంలో విత్తనపత్తి సాగులో 1.50 లక్షల మంది చిన్నారులు పని చేస్తున్నారు. రాష్ట్రంలో 15 వేల మంది ఈ పనులు చేస్తున్నారు. ఇందులో 60 శాతం సొంత పొలాల్లో పనిచేస్తుండగా.. 40 శాతం కూలీలుగా వెళ్తున్నారు. గత మూడేళ్లుగా సాగు ఖర్చులు పెరిగాయి. విత్తన కంపెనీలు మాత్రం పాత ధరలకే రైతుల నుంచి కొనుగోలు చేస్తున్నాయి. సాగు ఖర్చు తగ్గించుకోడానికి రైతులు తప్పనిసరి పరిస్థితుల్లో తమ పిల్లలను పొలాల్లోకి తీసుకెళ్తున్నట్లు మేమూ చేసిన పరిశోధనలో వెల్లడైంది.

- డా।। దావులూరి వెంకటేశ్వర్లు, గ్లోకల్‌ పరిశోధన సంస్థ

 

కథనాలు

జిల్లా వార్తలు

దేవతార్చన


రుచులు
+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.