ఈనాడు, హైదరాబాద్‌: లాక్‌డౌన్‌ తర్వాత దక్షిణ మధ్య రైల్వే ప్రాధాన్య క్రమంలో రైళ్లను అందుబాటులోకి తెస్తోంది. మంగళవారం మరో 10 ప్రత్యేక రైళ్లను ప్రకటించింది. ఫిబ్రవరి 24న ప్రకటించిన 22 రైళ్లకు ఇవి అదనం. దీంతో ఏప్రిల్‌ 1వ తేదీ నుంచి ద.మ. రైల్వే పరిధిలో అదనంగా 32 ప్రత్యేక రైళ్లు అందుబాటులోకి వస్తాయి. మంగళవారం ప్రకటించిన పదీ.. రోజూ నడిచేవే. వీటిలో కొన్ని ఏప్రిల్‌ 1 నుంచి ప్రారంభమవుతాయి. తిరుగు ప్రయాణం అవుతున్నవి 2 నుంచి అందుబాటులోకి వస్తాయి. గుంటూరు - విశాఖపట్నం - గుంటూరు మధ్య నడిచే రైలు మాత్రం గుంటూరు నుంచి 2న బయలుదేరుతుంది. తిరిగి అదే రైలు విశాఖపట్నం నుంచి 3న ప్రారంభమవుతుంది.

​