close

ప్రధానాంశాలు

Facebook Share Twitter Share WhatsApp Share Telegram Share
ఇంకో రకంగా నిర్ణయం తీసుకుంటే తదుపరి ప్రభుత్వ నిర్ణయాలకు బాధ్యులమవుతాం

ఉద్యోగులను ఉద్దేశించి మంత్రి నిరంజన్‌రెడ్డి వ్యాఖ్య

ఉండవల్లి, న్యూస్‌టుడే: ‘అవతల వాళ్లు చేసే దుష్ప్రచారంతో ఎమ్మెల్సీ ఎన్నికల్లో ఇంకో రకంగా నిర్ణయం తీసుకుంటే తదుపరి ప్రభుత్వ నిర్ణయాలకు మనమే బాధ్యులమవుతాం. అటువంటి పొరపాట్లు జరగకూడదని నేను ముందే వినయంగా, సుకుమారంగా హెచ్చరిస్తున్నా. తెరాస ప్రభుత్వం ఇంకా మూడేళ్లు అధికారంలో ఉంటుంది. దయచేసి దృష్టిలో పెట్టుకోమని కోరుతున్నా’ అని రాష్ట్ర వ్యవసాయశాఖ మంత్రి నిరంజన్‌రెడ్డి అన్నారు. తెరాస ఎమ్మెల్సీ అభ్యర్థి సురభి వాణీదేవికి మద్దతుగా జోగులాంబ గద్వాల జిల్లా అలంపూర్‌ చౌరస్తాలో నిర్వహించిన సమావేశంలో ఆయన మాట్లాడారు. కేంద్రం తీసుకొచ్చిన వ్యవసాయ చట్టాలపై పోరాటం చేయాల్సిన కాంగ్రెస్‌ పార్టీ మరుగున పడిందన్నారు. అలాంటి పార్టీల తరఫున బరిలో ఉన్న అభ్యర్థులను గెలిపిస్తే ఏం న్యాయం జరుగుతుందో పట్టభద్రులు, ఉద్యోగులు ఆలోచించాలన్నారు. మరో మంత్రి వేముల ప్రశాంత్‌రెడ్డి మాట్లాడుతూ ఉద్యోగులు, ఉపాధ్యాయులకు తెరాసతో పేగుబంధం ఉందని, ఆ బంధాన్ని తెంచుకోవద్దని కోరారు. వాణీదేవిని గెలిపిస్తే సమస్యల పరిష్కారం సులభం అవుతుందన్నారు.

ప్రధానాంశాలు

జిల్లా వార్తలు

దేవతార్చన


మరిన్ని
రుచులు