పంచాయతీల నుంచి సచివాలయం వరకూ వాటినే వాడాలి
సీఎం కేసీఆర్‌ పిలుపు

ఈనాడు, హైదరాబాద్‌: మిషన్‌ భగీరథ ద్వారా ఆరోగ్యకరమైన, పరిశుభ్రమైన మంచినీరు అందుబాటులోకి వచ్చినందున ప్రజలు ఈ నీటినే తాగాలని సీఎం కేసీఆర్‌  పిలుపునిచ్చారు. మిషన్‌ భగీరథ నీళ్లు అత్యంత శ్రేష్ఠమైనవని, అన్ని రకాల ఖనిజాలు, లవణాలు తగిన పాళ్లలో ఉన్నాయని చెప్పారు. ఈ నీటితో సీసాలను అందుబాటులోకి తెచ్చినందున  పంచాయతీ కార్యాలయాల నుంచి సచివాలయం వరకు అన్ని ప్రభుత్వ కార్యాలయాల్లో వాటినే వినియోగించాలన్నారు. ప్రజలు వాటిని తాగేలా ప్రోత్సహించాలని ఆయన అధికారులను కోరారు.