ఈనాడు, హైదరాబాద్‌: దావోస్‌లో ఆదివారం నుంచి ప్రారంభం కానున్న ప్రపంచ ఆర్థిక వేదిక దృశ్యమాధ్యమ శిఖరాగ్ర సదస్సులో తెలంగాణ పరిశ్రమలు, ఐటీ శాఖలమంత్రి కేటీరామారావు పాల్గొంటున్నారు. దావోస్‌ ఎజెండా పేరిట జరిగే ఈ సదస్సులో పాల్గొనాలని 3 నెలల క్రితమే మంత్రికి ఆహ్వానం అందగా ఆయన అంగీకరించారు. ఆరు రోజుల పాటు జరిగే ఈ సదస్సులో ఒకరోజు జరిగే చర్చలో కేటీఆర్‌ పాల్గొంటారు. కరోనా సంక్షోభం-పరిణామాలు, దానిని ఎదుర్కొని ముందుకు సాగడం, ఉపాధి అవకాశాలు, వాతావరణ మార్పులు తదితర అంశాలపై సదస్సులో చర్చించనున్నారు.