ఈనాడు, హైదరాబాద్‌: తూర్పు, ఆగ్నేయ భారతం నుంచి వీస్తున్న గాలుల వల్ల తెలంగాణలో ఉష్ణోగ్రత సాధారణంకన్నా 3 నుంచి 4 డిగ్రీలు అదనంగా పెరుగుతోంది. బంగాళాఖాతం నుంచి వస్తున్న తేమ గాలులతో గాలిలో తేమ సాధారణంకన్నా 31 శాతం అదనంగా ఉంటోంది. శుక్రవారం రాత్రి అత్యల్పంగా అర్లి(ఆదిలాబాద్‌ జిల్లా)లో 10.6, వాంకిడి(కుమురంభీం)లో 11.2, కోహీర్‌(సంగారెడ్డి)లో 13.1 డిగ్రీల ఉష్ణోగ్రత నమోదైంది. ఉదయం పూట కొన్ని ప్రాంతాల్లో పొగమంచు కురుస్తోంది. చలి తీవ్రత పెద్దగా లేదని వాతావరణశాఖ సంచాలకురాలు నాగరత్న తెలిపారు.