ఈనాడు, హైదరాబాద్‌: అదృశ్యమైన చిన్నారుల్ని గుర్తించేందుకు, బాలకార్మికులకు విముక్తి కలిగించేందుకు ఉద్దేశించిన ఆపరేషన్‌ స్మైల్‌ కార్యక్రమం తెలంగాణలో కొనసాగుతోంది. ఏడో విడత ఆపరేషన్‌లో భాగంగా 20 రోజుల్లో రాష్ట్రవ్యాప్తంగా 2081 మంది చిన్నారులకు తెలంగాణ మహిళా భద్రతావిభాగం విముక్తి కల్పించింది. చిన్నారులతో పనిచేయిస్తున్న 251 మంది యజమానులపై కేసులు నమోదు చేసింది.