IPL 2021: ధోనీ ఇకపై నాలుగో స్థానంలో రావాలి : గంభీర్‌

తాజా వార్తలు

Updated : 27/09/2021 07:55 IST

IPL 2021: ధోనీ ఇకపై నాలుగో స్థానంలో రావాలి : గంభీర్‌

ఇంటర్నెట్‌డెస్క్‌: గతేడాది పేలవ ఆటతీరుతో ప్లేఆఫ్స్‌ చేరకుండా నిష్క్రమించిన చెన్నై సూపర్‌ కింగ్స్‌ ఈసారి టాప్‌లో దూసుకుపోతోంది. పాయింట్ల పట్టికలో దిల్లీ క్యాపిటల్స్‌తో పోటీపడుతోంది. కెప్టెన్‌ మహేంద్రసింగ్‌ ధోనీ నాయకత్వంలో అద్భుతంగా ముందుకు సాగుతోంది. ఈ క్రమంలోనే ఆదివారం సాయంత్రం కోల్‌కతాతో జరిగిన మ్యాచ్‌లో విజయం సాధించింది. దీంతో మొత్తం ఆడిన 10 మ్యాచ్‌ల్లో ఎనిమిది విజయాలతో 16 పాయింట్లు సాధించి టాప్‌లో నిలిచింది. ఈ క్రమంలోనే చెన్నై ప్లేఆఫ్స్‌ బెర్తును కూడా ఖరారు చేసుకుంది.

అయితే, చెన్నై సూపర్‌ కింగ్స్‌ సారథి ధోనీ గతేడాది నుంచి తన బ్యాటింగ్‌ ఆర్డర్‌లో మార్పులు చేసుకొని ఏడో స్థానంలో బరిలోకి వస్తున్న సంగతి తెలిసిందే. ఇటీవల గత రెండు, మూడు మ్యాచ్‌ల్లో ఆరో స్థానంలో వస్తున్నాడు. దీనిపై స్పందించిన గంభీర్‌.. మహీ ఇకపై నాలుగో స్థానంలో రావాలని సూచించాడు. ‘చెన్నై జట్టు ప్లేఆఫ్స్‌కు చేరాక ధోనీ తన బ్యాటింగ్‌ ఆర్డర్‌లో మరింత ముందుకు రావాలి. తొలుత బ్యాటింగ్‌ చేసినా లేదా ఛేదనలోనైనా.. ఎప్పుడు ఎలా ఆడినా అతడు నాలుగో స్థానంలో బ్యాటింగ్‌కు దిగాలి. అది నేను చూడాలని ఆశిస్తున్నా’ అని గంభీర్‌ పేర్కొన్నాడు. ధోనీ ఎన్ని ఎక్కువ పరుగులు సాధిస్తే జట్టుకు అంత మంచిదని, చెన్నై ప్లేఆఫ్స్‌ చేరినప్పుడు భారం మొత్తం తనపైనే మోయొద్దని గంభీర్‌ సూచించాడు. టాప్‌ ఆర్డర్‌లో త్వరగా వికెట్లు కోల్పోతే అప్పుడు పరుగులు చేసే బాధ్యత తీసుకోవాలని కోరాడు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని