Neeraj Chopra: బైజుస్‌ భారీ ప్రకటన.. నీరజ్‌కు రూ. 2 కోట్లు

తాజా వార్తలు

Updated : 09/08/2021 10:33 IST

Neeraj Chopra: బైజుస్‌ భారీ ప్రకటన.. నీరజ్‌కు రూ. 2 కోట్లు

ఇతర అథ్లెట్లకు రూ.కోటి చొప్పున వెల్లడి

ఇంటర్నెట్‌డెస్క్‌: ప్రముఖ ఎడ్యుటెక్‌ సంస్థ బైజుస్‌ భారత ఒలింపిక్స్‌ పతక విజేతలకు భారీ నగదు ప్రకటన చేసింది. శనివారం ఒలింపిక్స్‌లో అథ్లెటిక్స్‌ (జావెలిన్‌ త్రో) విభాగంలో భారత్‌కు తొలి స్వర్ణం అందించిన నీరజ్‌ చోప్రాకు రూ.2 కోట్ల నజరానా ప్రకటించింది. ఇక మిగతా అథ్లెట్లలో మీరాబాయి చాను, రవికుమార్‌ దాహియా, లవ్లీనా బార్గోహేన్‌, పీవీ సింధు, బజ్‌రంగ్‌ పునియాకు తలా రూ.కోటి చొప్పున ఇస్తున్నట్టు వెల్లడించింది.

‘2020-21 కాలంలో కొవిడ్‌-19 లాక్‌డౌన్‌తో సవాళ్లు ఎదురైనా టోక్యో ఒలింపిక్స్‌లో భారత అథ్లెట్లు సాధించిన విజయాలు అద్భుతం, స్ఫూర్తిదాయకం’ అని ఆ సంస్థ కొనియాడింది. వీరంతా దేశాన్ని గర్వపడేలా చేయడమే కాకుండా భవిష్యత్‌లో మరిన్ని పతకాలు సాధించవచ్చనే స్ఫూర్తిని, పట్టుదలను రగిలించారని పేర్కొనింది. దేశాభివృద్ధిలో క్రీడలు కూడా ప్రముఖ పాత్ర పోషిస్తాయని, ఇప్పుడు ఒలింపిక్స్‌ విజయాలను ఆస్వాదించాల్సిన సమయమని బైజుస్‌ సీఈవో బైజు రవీంద్రన్‌ పేర్కొన్నారు. ఈ విజేతలంతా అందరి ప్రేమాభిమానాలకు అర్హులని అన్నారు. ఒలింపిక్స్‌లో గెలవడానికి వాళ్లు పడిన కష్టాలు, చేసిన త్యాగాలు, సాధించిన విజయాలకు ఈ నగదు నజరానా ప్రకటించినట్లు ఆయన పేర్కొన్నారు.

మొత్తంగా ఒలింపిక్స్‌లో భారత్‌కిదే అత్యుత్తమ రికార్డు. మునుపెన్నడూ లేని విధంగా ఒక స్వర్ణం, రెండు రజతాలతో పాటు నాలుగు కాంస్య పతకాలు సాధించింది. 2012 లండన్‌ ఒలింపిక్స్‌లో భారత్‌ అత్యధికంగా ఆరు పకతాలు నెగ్గింది. అందులో రెండు రజతాలు, నాలుగు కాంస్యాలు ఉండటం గమనార్హం. ఇప్పుడు ఆ రికార్డును అధిగమించింది. ఈ విజేతలంతా భవిష్యత్‌లో మరిన్ని పతకాలు సాధించొచ్చనే ధీమా కలిగించారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని