Bhavinaben Patel: భవినాబెన్‌ చరిత్ర.. పారాలింపిక్స్‌ క్వార్టర్స్‌కు భారత ప్యాడ్లర్‌

తాజా వార్తలు

Published : 27/08/2021 13:52 IST

Bhavinaben Patel: భవినాబెన్‌ చరిత్ర.. పారాలింపిక్స్‌ క్వార్టర్స్‌కు భారత ప్యాడ్లర్‌

టోక్యో: భారత టేబుల్‌ టెన్నిస్‌ క్రీడాకారిణి భవినాబెన్‌ పటేల్‌ సంచలన ప్రదర్శన కొనసాగుతోంది. పారాలింపిక్స్‌ క్వార్టర్‌ ఫైనల్‌ చేరిన భారత తొలి ప్యాడ్లర్‌గా ఆమె చరిత్ర సృష్టించింది. టోక్యో పారాలింపిక్స్‌ క్లాస్‌-4 ప్రిక్వార్టర్స్‌లో ఆమె 3-0 తేడాతో బ్రెజిల్‌ అమ్మాయి జాయ్‌సి డి ఒలివెరియాను చిత్తు చేసింది. 23 నిమిషాల పాటు జరిగిన మ్యాచులో వరుసగా 12-10, 13-11, 11-6తో మూడు గేముల్లో విజయం సాధించింది. క్వార్టర్స్‌లో ఆమె ప్రపంచ రెండో ర్యాంకర్‌ బొరిస్‌లవ పెరిక్‌ రంకోవిచ్‌ (సెర్బియా)తో తలపడనుంది.

‘నా ప్రత్యర్థి దేహం వైపు బంతిని పంపించడమే నా ప్రధాన వ్యూహం. నా కోచ్‌ ఇదే చెప్పాడు. నేను కచ్చితత్వంలో ఆ ప్రణాళిక అమలు చేశాను. నా తర్వాతి ప్రత్యర్థి ప్రపంచ రెండో ర్యాంకర్‌. అందుకే నేనా మ్యాచ్‌ను పూర్తి ఏకాగ్రతతో ఆడాలి. గెలిచేందుకు ప్రయత్నించాలి’ అని భవినా తెలిపింది. తొలిరౌండ్లో ఓడిన ఆమె రెండో రౌండ్లో గెలిచి ప్రిక్వార్టర్స్‌కు చేరుకున్న సంగతి తెలిసిందే. క్లాస్‌-4 విభాగంలో క్రీడాకారుల దేహం దిగువభాగం పనిచేయదు. వారు చక్రాల కుర్చీకే పరిమితమై ఆడాల్సి ఉంటుంది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని