Ganguly - Dhoni: యాషెస్‌ సిరీస్‌లో ఆస్ట్రేలియా కూడా ఇలానే చేసింది : గంగూలీ

తాజా వార్తలు

Updated : 13/09/2021 20:09 IST

Ganguly - Dhoni: యాషెస్‌ సిరీస్‌లో ఆస్ట్రేలియా కూడా ఇలానే చేసింది : గంగూలీ

ఇంటర్నెట్‌ డెస్కు : వచ్చే నెలలో ప్రారంభం కానున్న టీ20 ప్రపంచకప్‌నకు మాజీ కెప్టెన్‌ మహేంద్రసింగ్‌ ధోనిని మెంటార్‌గా నియమించడాన్ని బీసీసీఐ అధ్యక్షుడు సౌరభ్‌ గంగూలీ సమర్థించుకున్నాడు. అతడి అనుభవం భారత జట్టుకు కలిసొస్తుందని పేర్కొన్నాడు. 2019 యాషెస్‌ సిరీస్‌ సందర్భంగా ఆస్ట్రేలియా కూడా ఇలానే చేసిందని గుర్తు చేశాడు. ఆ జట్టు మాజీ కెప్టెన్‌ స్టీవ్‌ వా ను మెంటార్‌గా నియమించిందని తెలిపాడు. ‘2013 నుంచి మన జట్టు ఒక్క ఐసీసీ ట్రోఫీ కూడా గెలువలేదు. అందుకే ఎంతో ఆలోచించి ధోనిని మెంటార్‌గా నియమించాం. పొట్టి క్రికెట్‌లో అతడికి మంచి రికార్డు ఉంది. అతడి అనుభవం కూడా జట్టుకు కలిసొస్తుంది. ఒత్తిడిలో ఎలా రాణించాలనే దానిపై అతడు యువ ఆటగాళ్లకు మార్గదర్శనం చేయగలడు. 2019లో ఆస్ట్రేలియా కూడా ఇలానే చేసింది. యాషెస్‌ సిరీస్‌ సందర్భంగా ఆ జట్టు మాజీ కెప్టెన్‌ స్టీవ్‌ వా ను మెంటార్‌గా నియమించింది. దీంతో ఆస్ట్రేలియా మెరుగ్గా రాణించి 2-2తో సిరీస్‌ను సమం చేసింది. దిగ్గజ ఆటగాళ్ల అనుభవం జట్టుకు చాలా ఉపయోగపడుతుంది’ అని గంగూలీ పేర్కొన్నాడు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని