T20 World Cup: రాహుల్‌ రాణిస్తే.. కోహ్లిపై ఒత్తిడి ఉండదు : బ్రెట్ లీ

తాజా వార్తలు

Published : 14/10/2021 21:49 IST

T20 World Cup: రాహుల్‌ రాణిస్తే.. కోహ్లిపై ఒత్తిడి ఉండదు : బ్రెట్ లీ

ఇంటర్నెట్ డెస్క్‌: త్వరలో ప్రారంభం కానున్న టీ20 ప్రపంచకప్‌లో అద్భుత ఫామ్‌లో ఉన్న కేఎల్ రాహుల్‌ రాణిస్తే.. కెప్టెన్ విరాట్‌ కోహ్లిపై ఒత్తిడి ఉండదని ఆస్ట్రేలియా మాజీ బౌలర్‌ బ్రెట్ లీ అన్నాడు. అప్పుడు కోహ్లి స్వేచ్ఛగా ఆడేందుకు అవకాశముంటుందని అతడు పేర్కొన్నాడు. ‘ఐపీఎల్‌లో అత్యధిక పరుగులు చేసిన రాహుల్‌.. టీ20 ప్రపంచకప్‌లో కూడా టాప్ స్కోరర్‌గా నిలుస్తాడు. భారత బ్యాటింగ్‌కి అతడు వెన్నెముక. రాహుల్ మెరుగ్గా రాణిస్తే.. కోహ్లిపై ఒత్తిడి తగ్గుతుంది. కెప్టెన్‌గా కోహ్లికిదే చివరి టీ20 ప్రపంచకప్‌ కాబట్టి.. అతడు తన సహజ శైలిలో స్వేచ్ఛగా ఆడేందుకు అవకాశముంటుంది. ఇటీవల భారత్ అన్ని ఫార్మాట్లలో ఆధిపత్యం చలాయిస్తోంది. ఇండియన్ ప్రీమియర్ లీగ్ (ఐపీఎల్) కారణంగా నాణ్యమైన ఆటగాళ్లు వెలుగులోకి వస్తున్నారు. యువ ఆటగాడు సూర్యకుమార్ యాదవ్‌ కూడా మెరుగ్గా రాణిస్తుండటం భారత్‌కి కలిసొచ్చే అంశం’ అని బ్రెట్ లీ తెలిపాడు.

‘పొట్టి ఫార్మాట్లో ఇంగ్లాండ్ బలమైన జట్టు. అనుభవమున్న ఆటగాళ్లు ఉండటం ఆ జట్టుకు కలిసొచ్చే అంశం. మిగతా జట్లకు వారి నుంచి ఎప్పుడూ ముప్పు పొంచే ఉంటుంది. నా వరకైతే భారత్‌ ఫేవరెట్‌గా కనిపిస్తోంది. గత కొద్ది కాలంగా ఆస్ట్రేలియా పొట్టి ఫార్మాట్లో రాణించలేకపోతోంది. అయితే, ఈ టీ20 ప్రపంచకప్‌కు అత్యుత్తమ జట్టును ఎంపిక చేసింది. టైటిల్ పోరులో అది కచ్చితంగా భారత్‌కి గట్టి పోటీనిస్తుంది. ఆస్ట్రేలియా మాజీ ఆటగాడిగా కచ్చితంగా మా జట్టే కప్‌ గెలవాలని బలంగా కోరుకుంటున్నా’ అని బ్రెట్‌ లీ ఆశాభావం వ్యక్తం చేశాడు. కాగా, ఈ నెల 20న ఆస్ట్రేలియా, భారత్ జట్లు దుబాయ్‌లో వార్మప్‌ మ్యాచ్‌ ఆడనున్న విషయం తెలిసిందే. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని