TS News: చెరువుల పరిరక్షణకు లేక్స్‌ స్పెషల్‌ కమిషనర్‌: కేటీఆర్

తాజా వార్తలు

Updated : 04/10/2021 14:17 IST

TS News: చెరువుల పరిరక్షణకు లేక్స్‌ స్పెషల్‌ కమిషనర్‌: కేటీఆర్

హైదరాబాద్: నగర పరిధిలోని చెరువుల పరిరక్షణకు మూడు రకాల ప్రణాళికలు సిద్ధం చేసినట్లు మంత్రి కేటీఆర్‌ శాసనసభలో వెల్లడించారు. సభ్యులు మాధవరం కృష్ణారావు, ప్రకాశ్‌గౌడ్‌, సుభాష్‌రెడ్డి, అక్బరుద్దీన్‌ తదితరులు అడిగిన ప్రశ్నలకు మంత్రి సమాధానమిచ్చారు. సమగ్ర చెరువుల అభివృద్ధి ప్రణాళికలో భాగంగా చేపట్టిన చర్యలను ప్రస్తావించారు. చెరువుల చుట్టూ ఫెన్సింగ్‌, వాకింగ్‌ ట్రాక్, సుందరీకరణ, మురుగు కాల్వల మళ్లింపు తదితర అంశాలను వివరించారు.

నగరం పరిధిలో 185 చెరువులు ఉండగా.. 127 అభివృద్ధికి చర్యలు చేపట్టామన్నారు. రూ.407కోట్ల 30 లక్షలు మంజూరు చేయగా.. రూ.218 కోట్లు ఖర్చు చేశామని కేటీఆర్‌ చెప్పారు. కబ్జాలతో చెరువులు కుచించుకుపోయాయని ఎఫ్‌టీఎల్‌, బఫర్‌ జోన్‌లో నిర్మాణాలను తొలగిస్తామని స్పష్టం చేశారు. చెరువుల పరిరక్షణకు కొత్త డివిజన్ ఏర్పాటు చేసి లేక్స్‌ స్పెషల్‌ కమిషనర్‌ను నియమిస్తామని కేటీఆర్‌ వివరించారు. రెండేళ్లతో వందశాతం మురుగునీటిని శుద్ధి చేసి చెరువులను పూర్తిగా పరిరక్షిస్తామని తెలిపారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని