KTR: ఈనెల 15నాటికి గ్రామ కమిటీల నిర్మాణం పూర్తి: కేటీఆర్

తాజా వార్తలు

Updated : 13/09/2021 19:42 IST

KTR: ఈనెల 15నాటికి గ్రామ కమిటీల నిర్మాణం పూర్తి: కేటీఆర్

హైదరాబాద్‌: తెరాస సంస్థాగత కమిటీల్లో చురుకైన క్రియాశీలక కార్యకర్తలకు చోటు కల్పించాలని పార్టీ ప్రధాన కార్యదర్శులకు తెరాస కార్యనిర్వాహక అధ్యక్షుడు కేటీఆర్‌ దిశా నిర్దేశం చేశారు. మహిళ కార్యకర్తలకు తగిన ప్రాధాన్యం ఇవ్వాలన్నారు. సంస్థాగత కమిటీల నిర్మాణంపై పార్టీ ప్రధాన కార్యదర్శులతో కేటీఆర్ సమీక్ష నిర్వహించారు. గ్రామ కమిటీల నిర్మాణం సుమారు 80 శాతం పూర్తయిందని.. ఒకట్రెండు రోజుల్లో మిగతావి పూర్తవుతాయని ప్రధాన కార్యదర్శులు ఆయనకు వివరించారు. ఈనెల 15 నాటికి గ్రామ, వార్డు స్థాయి కమిటీల నిర్మాణం పూర్తి కావాలని కేటీఆర్ అధికారులను ఆదేశించారు. ఈనెల 20నాటికి మండల కమిటీలు ఏర్పాటు చేయాలని సూచించారు. మండల కమిటీలు పూర్తయిన తర్వాత జిల్లా అధ్యక్షులను సీఎం కేసీఆర్ ప్రకటిస్తారని తెలిపారు. జిల్లా అధ్యక్షుడు, ప్రజా ప్రతినిధులు, సీనియర్ నాయకులతో చర్చించి జిల్లా కమిటీలు ఏర్పాటు చేయనున్నట్లు కేటీఆర్ వివరించారు. కమిటీల వివరాలన్నీ రాష్ట్ర కార్యాలయానికి పంపించాలన్నారు. వారం రోజుల్లో మరోసారి సమీక్ష నిర్వహిస్తామని తెలిపారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని