Chintamaneni Prabhakar: ఎట్టకేలకు దెందులూరులో చింతమనేని ప్రభాకర్‌ విడుదల

తాజా వార్తలు

Published : 31/08/2021 01:37 IST

Chintamaneni Prabhakar: ఎట్టకేలకు దెందులూరులో చింతమనేని ప్రభాకర్‌ విడుదల

దెందులూరు: తెలుగుదేశం పార్టీ మాజీ ఎమ్మెల్యే చింతమనేని ప్రభాకర్‌ను పోలీసులు ఎట్టకేలకు విడుదల చేశారు. పశ్చిమ గోదావరి జిల్లా దెందులూరు పోలీసులు 41ఏ సీఆర్‌పీసీ కింద నోటీసులు అందించి చింతమనేనిని విడుదల చేశారు. నిన్న విశాఖ జిల్లా చింతపల్లి వద్ద పోలీసులు చింతమనేనిని అదుపులోకి తీసుకుని రాత్రంతా అక్కడే ఉంచారు. ఉదయం చింతపల్లి నుంచి పశ్చిమగోదావరి జిల్లాకు తరలించారు. రెండు రోజుల కిందట పెట్రో ధరల పెంపును నిరసిస్తూ చింతమనేని ఆందోళన చేపట్టారు. దెందులూరులో జరిగిన ఆందోళన కార్యక్రమంలో పోలీసుల విధులకు ఆటంకం కలిగించారనే అభియోగంపై ఒక వేడుకలో పాల్గొనడానికి వెళ్లిన చింతమనేనిని పోలీసులు అరెస్టు చేశారు. ఆయనతోపాటు మరో ఆరుగురిపై కేసు నమోదు చేశారు.

చింతమనేని అరెస్టు విషయాన్ని కుటుంబసభ్యులకు, సన్నిహితులకు తెలియకుండా ఉంచారని విమర్శలు వ్యక్తమయ్యాయి. ఆయనను ఎక్కడ ఉంచారన్న విషయాలు కూడా పోలీసులు గోప్యంగా ఉంచారు. ఎట్టకేలకు పోలీసుల నోటీసు అందుకున్న చింతమనేని తన స్వగ్రామమైన పెదవేగి మండలం దుగ్గిరాల చేరుకున్నారు. ఇంటికి చేరుకున్న చింతమనేనిని తెదేపా అధినేత చంద్రబాబు ఫోన్ ద్వారా యోగక్షేమాలు అడిగి తెలుసుకున్నట్లు సమాచారం. తన అరెస్టుకు కారణాలను చంద్రబాబుకు చింతమనేని వివరించినట్లు తెలుస్తోంది. ఈ సందర్భంగా చింతమనేని మాట్లాడుతూ.. తనపై కక్షపూరితంగా కావాలనే పోలీసులు కేసు నమోదు చేశారన్నారు. నియోజకవర్గంలో అన్ని పోలీస్ స్టేషన్‌లలో తనపై అక్రమ కేసులు బనాయించారని తెలిపారు. విశాఖ జిల్లాలో ఉన్న తనని పోలీసులు అరెస్టు చేయడం విడ్డూరంగా ఉందని పేర్కొన్నారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని