యూపీ ఎన్నికలు.. 40 శాతం టికెట్లు మహిళలకే : ప్రియాంక

తాజా వార్తలు

Updated : 19/10/2021 18:01 IST

యూపీ ఎన్నికలు.. 40 శాతం టికెట్లు మహిళలకే : ప్రియాంక

మహిళలు మార్పు తీసుకురాగలరు

లఖ్‌నవూ: కొద్ది నెలల్లో ఉత్తర్‌ప్రదేశ్‌ అసెంబ్లీ ఎన్నికలు జరగనున్న తరుణంలో.. మంగళవారం కాంగ్రెస్ పార్టీ కీలక నిర్ణయం తీసుకుంది. ఈ ఎన్నికల్లో పార్టీ తరఫు నుంచి 40 శాతం టికెట్లను మహిళలకు రిజర్వ్‌ చేస్తున్నట్లు వెల్లడించింది. మహిళలు మార్పు తీసుకురాగలరని, వారు మరో అడుగు ముందుకు వేయాల్సి ఉందని ఈ సందర్భంగా కాంగ్రెస్ జనరల్ సెక్రటరీ ప్రియాంకా వాద్రా అన్నారు. 

ప్రియాంక మీడియాతో మాట్లాడుతూ..‘ఉత్తర్‌ప్రదేశ్‌లోని బాలికల కోసం, మార్పును కోరుకునే మహిళల కోసం ఈ నిర్ణయం తీసుకున్నాం. అంతేకాకుండా నన్ను నిర్బంధించి, సీతాపుర్ గెస్ట్‌హౌస్‌కు తీసుకెళ్లిన మహిళా పోలీసు సిబ్బంది కోసమూ ఈ నిర్ణయం తీసుకున్నాం. మహిళలు మార్పు తీసుకురాగలరు. వారు మరో అడుగు ముందుకు వేయాల్సి ఉంది. ప్రస్తుతం దేశంలో ఉన్న విద్వేష రాజకీయాలను మహిళలు మాత్రమే అంతం చేయగలరు. మీరు నాతో కలిసి పనిచేయాలని అభ్యర్థిస్తున్నా’ అని అన్నారు. అలాగే అభ్యర్థి సామర్థ్యమే టికెట్‌ను నిర్ణయిస్తుందని స్పష్టం చేశారు. 

ఉత్తర్‌ప్రదేశ్‌లో మహిళలపై జరిగే అఘాయిత్యాలను కాంగ్రెస్‌ పార్టీ ఎప్పటికప్పుడు ఎత్తిచూపుతూ ఉంటుంది. కొంతకాలం క్రితం అక్కడ జరిగిన ఉన్నావ్‌, హథ్రాస్ అత్యాచార ఘటనలు దేశవ్యాప్తంగా సంచలనం సృష్టించిన సంగతి తెలిసిందే. ఇదిలా ఉండగా.. ఈసారి ఎన్నికల్లో మంచి పనితీరు ప్రదర్శించాలని కాంగ్రెస్ ఆశిస్తోంది. సమర్థవంతమైన నాయకత్వం ఉండాలంటూ అసమ్మతి నేతలు చేస్తోన్న విమర్శలకు చెక్ పెట్టాలని చూస్తోంది. 



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని