West bengal: మమత గెలిచినా.. ‘మ్యాన్‌ ఆఫ్‌ ది మ్యాచ్‌’ నాదే!

తాజా వార్తలు

Published : 04/10/2021 01:05 IST

West bengal: మమత గెలిచినా.. ‘మ్యాన్‌ ఆఫ్‌ ది మ్యాచ్‌’ నాదే!

కోల్‌కతా: పశ్చిమబెంగాల్‌లోని భవానీపూర్‌ ఉప ఎన్నికలో మమతా బెనర్జీ విజయం సాధించినా.. ‘మ్యాన్‌ ఆఫ్ ది మ్యాచ్‌’ మాత్రం తనదే అంటున్నారు భాజపా అభ్యర్థి ప్రియాంక టిబ్రేవాల్‌. మమత వంటి గట్టి అభ్యర్థితో పోటీ పడి 25వేలకు పైగా ఓట్లు సాధించడం అంటే గొప్ప విషయమని చెప్పారు. ఈ మేరకు ఫలితాల అనంతరం విలేకరులతో మాట్లాడారు.

ఉప ఎన్నికలో ఓటమిని అంగీకరిస్తున్నానని, ఫలితంపై కోర్టుకు వెళ్లబోనని ప్రియాంక చెప్పారు. భవిష్యత్‌లో ఇదేవిధంగా కష్టపడతానని అన్నారు. లక్ష ఓట్లు సాధిస్తానని చెప్పిన మమతను కేవలం 50వేల మెజార్టీకే పరిమితం చేశానని ఈ సందర్భంగా గుర్తుచేశారు. విజయం సాధించిన మమతా బెనర్జీకి శుభాకాంక్షలు తెలియజేస్తున్నానని, అయితే, ఆమె ఏ విధంగా ఎన్నికల్లో గెలుపొందారో అందరూ చూశారని చెప్పారు.

నందిగ్రామ్‌లో ఓటమితో భవానీపూర్‌ నుంచి మమత పోటీ చేసిన సంగతి తెలిసిందే. అందుకు వీలుగా భవానీపుర్‌ నుంచి గెలుపొందిన శోభన్‌దేవ్‌ ఛటోపాధ్యాయ రాజీనామా చేశారు. తెలిసిందే. ఈ ఎన్నికలో 58 వేలకు పైగా ఓట్లను సాధించారు. మరోవైపు పశ్చిమబెంగాల్లో జరిగిన మరో రెండు స్థానాల్లోనూ (శంషేర్‌గంజ్‌, జాంగిపూర్‌లోనూ) తృణమూల్‌ కాంగ్రెస్‌ విజయఢంకా మోగించింది.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని