Politics: కాంగ్రెసేతర విపక్షాలతో పవార్‌ రేపు భేటీ! 

తాజా వార్తలు

Published : 21/06/2021 17:26 IST

Politics: కాంగ్రెసేతర విపక్షాలతో పవార్‌ రేపు భేటీ! 

దిల్లీ: ఎన్సీపీ అగ్రనేత శరద్‌ పవార్‌  కాంగ్రెసేతర విపక్ష పార్టీల నేతలతో మంగళవారం సమావేశం కానున్నారు. ప్రధాని నరేంద్ర మోదీ, భాజపాకు వ్యతిరేకంగా విపక్షాలను ఏకతాటిపైకి తీసుకురావడమే లక్ష్యంగా ఈ సమావేశం ఏర్పాటు చేసినట్టు తెలుస్తోంది. అయితే, ఈ భేటీకి కాంగ్రెస్‌ పార్టీని ఆహ్వానించలేదు. ఎన్నికల వ్యూహకర్త ప్రశాంత్‌ కిశోర్‌తో భేటీ నేపథ్యంలో కాంగ్రెసేతర ప్రతిపక్ష పార్టీల నేతలతో భేటీపై నిర్ణయం తీసుకోవడం గమనార్హం.

మరోవైపు, ఎన్నికల వ్యూహకర్త ప్రశాంత్‌ కిశోర్‌తో రెండు వారాల వ్యవధిలోనే రెండోసారి పవార్‌తో సమావేశం కావడంపై రాజకీయ వర్గాల్లో ఆసక్తికర చర్చ జరుగుతోంది. ఇద్దరి మధ్య ఏ అంశాలు చర్చకు వచ్చాయనే విషయంపై స్పష్టత లేకపోయినప్పటికీ.. మిషన్‌ 2024 లక్ష్యంగానే మంతనాలు జరిగి ఉంటాయని ఊహాగానాలు వినబడుతున్నాయి. వచ్చే సాధారణ ఎన్నికల్లో భాజపా నేతృత్వంలోని ఎన్డీయేను ఎదుర్కొనేందుకు దేశవ్యాప్తంగా విపక్షాలను ఏకతాటిపైకి తీసుకొచ్చేందుకు అవసరమైన వ్యూహాలపై చర్చిస్తున్నట్టు ప్రచారం జరుగుతోంది. ఈ నెల 11న ముంబయిలో శరద్‌ పవార్‌ నివాసంలో భేటీ అయిన ఇరువురూ తాజాగా దిల్లీలో సమావేశమయ్యారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని