కేసీఆర్ లేకపోతే ఈటల ఎక్కడ?: శ్రీనివాస్ గౌడ్‌
close

తాజా వార్తలు

Published : 13/06/2021 01:08 IST

కేసీఆర్ లేకపోతే ఈటల ఎక్కడ?: శ్రీనివాస్ గౌడ్‌

హైదరాబాద్‌: తన తప్పులను కప్పిపుచ్చుకునేందుకే మాజీ మంత్రి ఈటల రాజేందర్ సీఎం కేసీఆర్‌పై అభ్యంతరకర వ్యాఖ్యలు చేస్తున్నారని రాష్ట్ర ఎక్సైజ్, క్రీడల శాఖ మంత్రి శ్రీనివాస్ గౌడ్ ఆరోపించారు. అన్నం పెట్టిన పార్టీని విమర్శించడం మంచిది కాదని హితవు పలికారు. హైదరాబాద్‌లో మంత్రి మీడియాతో మాట్లాడారు. కేసీఆర్, తెరాస లేకపోతే ఈటల రాజేందర్‌ ఎక్కడ ఉండేవారని నిలదీశారు. కేసీఆర్, తెరాస లేకుండానే స్వతంత్రంగా ఆరుసార్లు ఎమ్మెల్యేగా గెలిచారా? అని ప్రశ్నించారు. పార్టీలోకి రాకముందు, వచ్చిన తర్వాత తన పరిస్థితి ఏంటో ఆత్మవిమర్శ చేసుకోవాలని పేర్కొన్నారు. సీఎం కేసీఆర్‌తో గ్యాప్‌ ఉంటే ఈటలకు మంత్రి పదవి ఎలా వచ్చిందో చెప్పాలన్నారు.

తనకు నచ్చని పార్టీలోకి ఈటల ఎందుకు వెళ్లాల్సి వస్తుందో ఒకసారి ఆలోచించుకోవాలని శ్రీనివాసగౌడ్ సూచించారు. విరసం నేత వరవరరావును జైల్లో పెడితే కేసీఆర్ పరామర్శించ లేదన్న ఈటల.. జైల్లో పెట్టిన అదే పార్టీలో ఎందుకు చేరుతున్నారో చెప్పాలన్నారు. ఈటల రాజేందర్ నిరాశ, నిస్ఫృహలతో మాట్లాడుతున్నారని మంత్రి వ్యాఖ్యానించారు. హుజూరాబాద్‌లో అభివృద్ధి చేసే పార్టీకి.. అభివృద్ధిని అడ్డుకునే పార్టీకి మధ్య పోటీ అని మంత్రి అన్నారు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని