TS News: కేసీఆర్‌ దిల్లీ మంతనాలు ఏంటి?: భట్టి విక్రమార్క 

తాజా వార్తలు

Updated : 23/10/2021 16:59 IST

TS News: కేసీఆర్‌ దిల్లీ మంతనాలు ఏంటి?: భట్టి విక్రమార్క 

హైదరాబాద్‌: కాంగ్రెస్‌, భాజపా హుజూరాబాద్‌ ఎన్నికల్లో కలిసిపోయాయని మంత్రి కేటీఆర్‌ మాట్లాడటం సరికాదని సీఎల్పీనేత భట్టి విక్రమార్క అన్నారు. శనివారం ఆయన మీడియాతో మాట్లాడుతూ... రేవంత్‌రెడ్డిపై కేటీఆర్‌ చేసిన వ్యాఖ్యలను ఖండించారు.

‘‘భాజపా మతతత్వ పార్టీ, కాంగ్రెస్‌ సెక్యులర్‌ పార్టీ. రెండూ భిన్న ధృవాలు. కేటీఆర్‌కు రాజకీయ అవగాహన లేకుండా మాట్లాడుతున్నారు. హుజూరాబాద్‌ ఎన్నికలో ఓటమి భయంతోనే కేటీఆర్‌ ఇలాంటి మాటలు మాట్లాడుతున్నారు. ఈటలను గెలిపించడం కోసం కాంగ్రెస్‌ ఎందుకు పనిచేస్తుంది. తెరాస, భాజపాల మధ్య లోపాయకారీ ఒప్పందాలు ఉన్నాయి. ఈటల అవినీతిపై ప్రభుత్వం విచారణ ఎటుపోయింది. కేసీఆర్‌ దిల్లీ మంతనాలు ఏంటి? తెరాసను భాజపాలో కలిపే మంతనాలు జరిగాయా? రాష్ట్రంలో ప్రజా సమస్యలు టీఆర్‌ఎస్‌కు పట్టడం లేదు. కాంగ్రెస్‌ నాయకులపై బురద జల్లితే ప్రజలు నమ్మరు. గాంధీభవన్‌లో గాడ్సేలు ఉండరు... కాంగ్రెస్‌ భావజాలం ఉన్న వారే ఉంటారు. కాంగ్రెస్‌ అంతర్గత వ్యవహారాలపై మాట్లాడటం సరికాదు. ఎన్నికల తర్వాత ఈటల కాంగ్రెస్‌లోకి వస్తారనడం ఊహాజనితం. దళితబంధుపై భాజపా వైఖరి సరిగా లేదు. దళితబంధును ఆపడంలో భాజపా, తెరాస పాత్ర ఉంది. ఇద్దరు దొంగలు కలిసి దళితబంధును ఆపారు. బల్మూర్‌ వెంకట్‌ బలమైన అభ్యర్థి.  కాదని ఎవరన్నా అంటే అది వారి అవగాహనా రాహిత్యం. హైదరాబాద్‌ నిండా తెరాస ప్లెక్సీలతో నింపారు. ప్రతిపక్షాల ప్లెక్సీలు పెడితే హడావుడిచేసే అధికారులు ఇప్పుడు ఏం చేస్తున్నారు?’’ అని భట్టి విక్రమార్క ప్రశ్నించారు. 



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని