ఆల్బార్టా కాల్గరీ (కెనడా): కెనడాలోని ఆల్బర్టా కాల్గరీ నగరంలో కార్తీక పౌర్ణమి వేడుకలు ఘనంగా జరిగాయి. కాల్గరీలోని అనగా దత్త సొసైటీ ఆధ్వర్యంలో సాయి బాబా మందిరంలో ఈ వేడుకలు నిర్వహించారు. సహస్ర దీపాలతో ఆలయ ప్రాంగణాన్ని చక్కగా అలంకరించారు. దేవాలయ ప్రధాన అర్చకులు రాజకుమార్ శర్మ కార్తీక పౌర్ణమి విశిష్టతను చక్కగా వివరించారు. సుమారు 400 మందికి పైగా భక్తులు ఈ వేడుకలో పాల్గొన్నారు. శివాభిషేకం, సత్యనారాయణ వ్రతం భక్తి శ్రద్ధలతో నిర్వహించారు. అందరికీ తీర్థ ప్రసాదాలు అందజేశారు. ఈ సందర్భంగా ఏర్పాటు చేసిన సాంస్కృతిక కార్యక్రమాలు ఆకట్టుకున్నాయి. విదేశాల్లో తెలుగువారి సంస్కృతిని చాటి చెప్పేందుకు లలిత, శైలేష్, రాజకుమార్ శర్మ, వాలంటీర్లు చేసిన కృషిని అందరూ కొనియాడారు.