నీట మునిగిన న్యూయార్క్‌
నీట మునిగిన న్యూయార్క్‌

న్యూజెర్సీలోనూ వర్ష బీభత్సం
26 మంది మృతి

న్యూయార్క్‌: ఇడా హరికేన్‌ ప్రభావంతో అమెరికాలోని న్యూయార్క్‌తోపాటు న్యూజెర్సీలో వర్షాలు ముంచెత్తుతున్నాయి. వర్షాల ధాటికి గురువారం పలు సంఘటనల్లో 26 మంది ప్రాణాలు కోల్పోయారు. వీరిలో న్యూయార్క్‌లోనే 12 మంది మృతి చెందారు. కొన్నిచోట్ల ప్రజా రవాణాను నిలిపివేశారు. న్యూయార్క్‌లోని జాతీయ వాతావరణ సేవలకేంద్రం వరద ఉద్ధృతి దృష్ట్యా మొట్టమొదటిసారిగా అత్యవసర హెచ్చరికలను జారీ చేసింది. పెన్సిల్వేనియాలోని జాన్స్‌టౌన్‌లో ఓ జలాశయంలోకి ప్రమాదకరస్థాయిలో నీరు చేరడంతో స్థానికులను ఖాళీ చేయించారు. న్యూజెర్సీ, పెన్సిల్వేనియాల్లో విద్యుత్‌ సరఫరాకు తీవ్ర అంతరాయం కలగడంతో లక్షల మంది ఇబ్బందులు ఎదుర్కొన్నారు. మరోవైపు ల్యారీ తుపాను అంతకంతకూ బలపడుతోందని, శనివారం కల్లా అది ఇడా స్థాయిలో తీవ్రరూపు దాల్చే అవకాశాలున్నాయని అధికారులు తెలిపారు.

మరిన్ని చిత్రాల కోసం క్లిక్‌ చేయండి

Tags :

మరిన్ని