Heavy Rain: టెనెసీలో వినాశనం.. ఒకే రోజు 43 సెంటీమీటర్ల వర్షం
Heavy Rain: టెనెసీలో వినాశనం.. ఒకే రోజు 43 సెంటీమీటర్ల వర్షం

వేవర్లీ: అమెరికాలో కుండపోత వర్షాలు వినాశనం సృష్టించాయి. టెనెసీ రాష్ట్రాన్ని గత రెండు రోజులుగా విలయంలా ముంచెత్తాయి. ఇక్కడి హంప్రేస్‌ కౌంటీలో 24 గంటల వ్యవధిలో రికార్డు స్థాయిలో 43 సెంటీమీటర్ల వర్షపాతం నమోదైంది. అకస్మాత్తు వరదల్లో మృతిచెందిన వారి సంఖ్య సోమవారానికి 22కు చేరింది. పదుల సంఖ్యలో జనం గల్లంతయ్యారు. వరద నుంచి బయటపడే క్రమంలో ఓ తండ్రి భుజాలపై ఎక్కించుకున్న 7 నెలల కవల పిల్లలు కొట్టుకుపోవడం కలిచివేసింది. వందలాది ఇళ్లు కూలిపోయాయి.

న్యూయార్క్‌కు తప్పిన ముప్పు

అమెరికాలో పలు రాష్ట్రాలను బెంబేలెత్తించిన హెన్రీ తుపాను బలహీనపడింది. ఈశాన్య దిశలోనే కేంద్రీకృతమై, మసాసుసెట్స్‌ వైపు మళ్లడంతో న్యూయార్క్‌ ఊపిరి పీల్చుకుంది.  


మరిన్ని