close
ఓసీఐ కార్డుదారులకు గుడ్‌న్యూస్‌

భారత్‌ వచ్చేందుకు కేంద్రం అనుమతి

దిల్లీ: ఓవర్సీస్‌ సిటిజన్స్‌ ఆఫ్‌ ఇండియా (ఓసీఐ) కార్డు కలిగి విదేశాల్లో నివసిస్తున్న భారతీయులకు కేంద్రం శుభవార్త చెప్పింది. భారత్‌కు వచ్చేందుకు వారికి అనుమతిచ్చింది. అయితే, కొన్ని నిబంధనలు విధించింది. ఈ మేరకు కేంద్ర హోంశాఖ శుక్రవారం ఉత్తర్వులు జారీ చేసింది.

కరోనా వైరస్‌ నేపథ్యంలో విదేశాల నుంచి వచ్చే వారిపై ఆంక్షలు విధించిన సంగతి తెలిసిందే. ఈ మేరకు మార్చి 7న వీసాలపై నిషేధం విధించింది. తాజాగా  విదేశాల్లో చిక్కుకున్న భారతీయులను తీసుకొచ్చేందుకు ‘వందే భారత్‌ మిషన్‌’ కార్యక్రమాన్ని చేపట్టింది. ఈ క్రమంలో ఓసీఐ కార్డుదారులకు భారత్‌కు వచ్చేందుకు కొన్ని నిబంధనలతో కూడిన అనుమతులు ఇచ్చింది.

* విదేశాల్లో ఉన్న భారతీయులకు జన్మించి, ఓసీఐ కార్డు కలిగిన వారిని భారత్‌కు వచ్చేందుకు అనుమతిస్తారు.

* కుటుంబ సభ్యుల్లో ఎవరైనా మరణించడం వంటి అత్యవసర పరిస్థితులు నెలకొన్నప్పుడు భారత్‌కు రావాలనుకునే ఓసీఐ కార్డుదారులు ప్రయాణించొచ్చు.

* భారత్‌లో శాశ్వత నివాసం కలిగి ఉన్న భార్యాభర్తల్లో ఎవరైనా ఒకరికి ఓసీఐ కార్డు ఉంటే వారికి భారత్‌కు వచ్చే అవకాశం ఇస్తారు.

* విదేశీ యూనివర్సిటీల్లో చదువుకుంటున్న ఓసీఐ కార్డు కలిగిన విద్యార్థులు స్వదేశానికి వచ్చేందుకు అనుమతి ఉంది. అయితే, వారి తల్లిదండ్రులు భారత పౌరులై భారత్‌లో నివసిస్తున్నవారై ఉండాలి.

వార్తలు / కథనాలు

మరిన్ని

జిల్లా వార్తలు

దేవ‌తార్చ‌న

రుచులు
+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.